چهارشنبه , فوریه 21 2024
azfa
تازه ها

گونئی آذربایجان دئموکراتیک تورک بیرلیگی‌نین (گادتب) بهمن اینقیلابی ایله باغلی بیلدیریشی

گادتب: گونئی آذربایجان و ایران آدلانان یئرده 1979-جو باش وئرن اینقیلابلا ایرتیجا‌چی و موستملکه‌چی فارس-موللا رئژیمی حاکمیتی غصب ائتسه ده، عینی زاماندا گونئی آذربایجانی ایشغال ائده‌رک، موستملکه ائدیب و سویقیریم تؤرتمیش پهلوی رئژیمی‌نین سقوتونا سبب اولموشدور.

تصادفی دئییلدیر کی، گونئی آذربایجان هله بهمن اینقیلابیندان بیر ایل اؤنجه 29 بهمنده ایشغالچی و موستملکه‌چی پهلوی رئژیمینه قارشی عصیان قالدیریب و اینقیلابین اساسینی قویموشدور.  چونکی، قاجار تورک دؤولتینی خاریجی ایمپئریالیستلرین فیتنه کارلیغی ایله دئویریب، گونئی آذربایجان و مما‌لیک محروصه یی قاجاری غصب ائتمیش‌دیر. بو غصبکار رئژیم گونئی آذربایجاندا آذربایجان تورک میللتی‌نین دیلینی قاداغان ائدیب، میللتیمیزی بیر میللت کیمی محو ائتمک اوچون اونون بوتون تاریخی، مدنیتی و وارلیغینی تحریف ائده رک دانمیشدیر.

پهلوی رئژیمی اوسته‌لیک گونئی آذربایجاندا آذربایجان میللی حکومتی قورولاندان سونرا غرب ایمپئریالیستلرینین کمکی ایله گونئی آذربایجانا هجوما کئچیب، آغیر سلاحلارلا گونئی آذربایجانی ایشغال ائتمیش و آذربایجان تورک میللتینه قارشی دهشتلی سویقیریم تؤرتمیش‌دیر. پهلوی رژیمی 30-40 مین آزربایجانلینی سویقیریما معروض قویوب، توپراغیمیزی ایشغال ائتمیشدیر. بو سببلره گؤره آذربایجان تورک میللتی پهلوی رئژیمینه قارشی جدی شکیلده موباریزه آپاریب و اینقیلاب ائتمیشدیر.

پهلوی رئژیمی 29 بهمنده بوتون گوجو ایله قدّارجاسینا  تبریز شهرینه اوردو یئریدیب عصیانی باسدیرماغا چالیشسا دا، آنجاق خالقین ایراده‌سینی سیندیرا بیلمه ییب، اعتراضلار قیسا زاماندا آزربایجانین بوتون شهرلری کیمی ایران آدا‌لانان یئرین باشقا شهرلرینه ده سیچراییب و هر یئره یاییلا‌راق، بؤیوک اینقیلابا  چئویریلمیشدیر.

سؤزسوز کی، شاه رئژیمی‌نین دئوریلمه‌سی ایله آذربایجان تورکو گونئی آذربایجانی آزاد ائتمه‌یه چالیشمیش و دئموکراتیک آتموسفئر یارادا‌راق خالقین تهلوکه‌سیزلیگی و آساییشینی ساغلامیشدیر. لاکین ایرتیجا‌چی فارس-موللا رئژیمی یئنیجه آزادلیغا جان آتان گونئی آذربایجانا هجوما کئچیب و ایرتیجا‌چی-جینایتکار قوه‌لری ایله گونئی آذربایجانی یئنی‌دن ایشغال ائتمیش‌دیر.

پهلوی رئژیمی کیمی سؤزده ایسلام رئسپوبلیکاسی اولان ایرقچی و ایشغالچی فارس-موللا رئژیمی ده گونئی آذربایجان اوچون فلاکت و بدبختلیک‌دن باشقا هئچ نه وئرمه میشدیر. بونلارین هر ایکی‌سی ده گونئی آذربایجان قارشی ایرقچی، ایشغالچی و موستملکه‌چی اولموشدور. اونا گؤره ده سون زامانلار ایرقچی فارسلار طرفیندن یئنی‌دن پهلوی رئژیمی‌نین خئیرینه شعارلارین سسلنمه‌سی اصلینده آچیق شکیلده گونئی آذربایجانا قارشی یئنی تهلوکه کیمی ده یرلندیریلمه‌لی و آذربایجان تورک میللتی آییق-ساییق بو تهلوکه‌یه قارشی سینه گره‌رک یالنیز اؤز موستقیللیگی اوغروندا موباریزه آپارما‌لیدیر.

گونئی آذربایجان دئموکراتیک تورک بیرلیگی (گادتب) ده پهلوی رئژیمی ایله موللا رئژیمینی آذربایجانا قارشی ایرقچی، موستملکه‌چی و ایشغالچی فارس رئژیمی‌نین موختلیف فورما‌لاری کیمی ده یرلندیریب، هر ایکی ایشغالچی و موستملکه چینی رد ائدیر و میللتیمیزی ده آییق-ساییق اولماغا و تکجه خوشبختلیک یولونون موستقیل‌لیک اولدوغونو بیلدیریر.

اژدر تقی زاده

گونئی آذربایجان دئموکراتیک تورک بیرلیگی (گادتب) باشقانی

دوباره امتحان کنید

کیملیک قالامیز، آنادیلیمیز؛ توزیع‌ کتابهای تورکی در شهر عجبشیر در آستانه روزجهانی زبان مادری

گادتب: جمعی از فعالین حرکت ملی آذربایجان در شهر عجبشیر استان آذربایجان شرقی در راستای …

کیملیک قالامیز، آنادیلیمیز؛ توزیع کتابهای تورکی در آستانه روز جهانی زبان مادری در موغان‌شهر

گادتب: جمعی ازفعالین حرکت ملی در موغان‌شهر(پارساباد) استان اردبیل در راستای بزرگداشت روز جهانی زبان …