یکشنبه , فوریه 25 2024
azfa
تازه ها

گونئی آذربایجان دموکراتیک تورک بیرلیگی نین (گادتب) بایدئنین ائرمنی یالان‌لارینی سویقیریم آدلاندیرماسینا اعتراض بیلدیریشی

گادتب: آزربایجانین 44 گونلوک غلبه محاربه‌سی ائرمنی‌پرست‌لرین ائرمنی ناغیل‌لارینی حقیقت کیمی دونیا ایجتیمایتینه سیریما پروسئسینی سورعتلندیردی. بو ایستیقامتده بیرینجی دونیا محاربه‌سی ایللرینده ائرمنی‌لری سیلاحلاندیریب تشکیلاتلاندیرماقلا الی میلیونلارلا تورکون قانینا باتمیش، اوسته‌لیک آمئریکادا میلیون‌لارلا قیزیل دریلی‌نین سویقیریملا کؤکونو کسن گلمه آمئریکا‌لی‌لارین ناخلف اوغلو جو بایدئن ائرمنی ناغیل‌لارینی “سویقیریم” کیمی قلمه وئریب. حالبوکی، بوتون معتبر تاریخی سندلر و فاکت‌لار گؤستریر کی، 1915-1920- ایللرده 5 میلیون حدودوندا تورک آمریکا، روسیا، اینگیلتره، فرانسا و سایر موستملکه‌چی اؤلکه‌لرین حمایه ائتدیگی ائرمنی‌لر طرفین‌دن سویقیریم ائدیلمیش‌دیر.

جو بایدئن کیمی آدینی دئموکرات قویوب راسیزمین و یالانین طرفینده اولان شارلاتانلار ائرمنی‌لر طرفین‌دن سویقیریما معروض قالان تورکه قارشی ائرمنی یالان‌لارینی حقیقت کیمی قبول ائتمه‌دن اول، یاخشی اولاردی کی، سویقیریما معروض قویدوق‌لاری میلیون‌لارلا تورکون، قیزیل دریلی‌نین و سایر خالق‌لارین اللرینه بولاشمیش قانینین ایزینی سیلمه‌یه چالیشاردیلار.

سویوق محاربه باشلایاندان بری آمریکانین موتّفیقی اولان تورکیه‌یه نانکور چیخان اوزدن ایراق “دموکرات” بایدئن اگر ذره قدر ویجدانا صاحب اولسایدی رئیگان دؤورونده ایندی اؤزونون اوتوردوغو آغ ائوین 1915-جی ایلده عثمانلی دؤورونده باش وئرنلرله باغلی معتبر منبعلر اساسیندا آپاردیغی آراشدیرمانین نتیجه‌لرینه باخیب، عدالتی سویقیریما معروض قویمازدی.

عدالت قاتیلی اولان جو بایدئنین نئجه دله دوز و شارلاتان اولدوغونو تصوور ائتمک اوچون ائله اوتوردوغو آغ ائوین آپاردیغی آراشدیرمانین نتیجه‌لرینه دقت یئتیرمک کیفایت‌دیر. آمریکانین کئچمیش پرئزیدئنتی رونالد رئیگانین مصلحتچی‌سی بریوس فئین آپاردیق‌لاری آراشدیرما‌لارلا باغلی دئییب: “رئیگانین گؤستریشی ایله آوروپادا و عثمانلی آرخیو‌لرینده آراشدیرما آپاردیق. آراشدیرمادا “ائرمنی سویقیریمی” ادعا‌لارینین اساس‌سیز اولدوغو اوزه چیخدی. 1.5-2 میلیون ائرمنی‌نین اؤلدورولدوگو ادعا‌لاری ائرمنی تاریخچی‌لری طرفین‌دن اویدورولوب”. او حساب ائدیر کی، 1915-جی ایلده ائرمنی‌لر داها چوخ تورک اؤلدوروب: “ائرمنی دسته‌لری آنادولودا 2.4 میلیون اینسانی قیریب‌لار”.

جو بایدئن کیمی شارلاتان‌لارین نئجه عدالت قاتیلی اولدوغونو بیلمک ایسته‌ینلر همین دؤورده ائرمنی اها‌لی‌سی‌نین سایینا دقت یئتیرمه‌لری کیفایت‌دیر. همین دؤورده سون عثمانلی سیاهییا آلماسیندا آنادولودا ائرمنی‌لرین سایی 1 میلیون 290 مین اولوب. بون‌اردان بیر میلیون‌دان چوخو ایسه قافقاز، عیراق و سوریادا تهلوکه‌سیز یئرلره کؤچورولوب. بیر حیسه‌سی ایسه عثمانلی اراضی‌لرینده قالماقدا‌دیر. سایی 1 میلیون 290 مین اولان ائرمنی‌دن 1 میلیونو قافقاز، عیراق و سوریایا کؤچورولوب، بیر حیسه‌سی ده تورکیه‌ده قالیبسا، نئجه 1.5-2 میلیون ائرمنی اؤلدورولوب؟!! بورادا هانسی سویقیریمدان صحبت گئده بیلر؟!! لاکین کیمسه‌یه سیرر دئییل کی، 1915-1920-جی ایللرده ائرمنی‌لر رئگیوندا میلیون‌لارلا تورکو سویقیریما معروض قویوبلار. بو حقیقته شوبهه ائدن وارسا بویوروب دونیا اؤلکه‌لری‌نین آرخیو‌لرینده، او جمله‌دن تورییه‌نین و ائرمنیستانین آرخیو‌لرینده آراشدیرما آپارا بیلر. اگر ائرمنیستان آرخیوی تدقیقات‌چیلارا آچارسا.

گونئی آذربایجان دئموکراتیک تورک بیرلیگی (گادتب) بو قدر حقیقت‌لرین اورتادا اولماسینا رغماً جو بایدئن کیمی‌لرین حاقین و عدالتین علئیهینه قرار وئردیگینی گؤره‌رک بو حاقسیزلیغا غالیب گلمه یین یئگانه یولونو تورکون بیرلیگینده اولدوغونو دوشونور. آرتیق کور تعصَوبون معیار اولدوغو و یالانین حقیقت کیمی قلمه وئریلدیگی بئین الخالق عالمده تورک دونیاسینین بیرلشیب حاقی و عدالتی قوروماق‌دان باشقا یولو قالمیر.

اژدر تاغی‌زاده

گونئی آذربایجان دئموکراتیک تورک بیرلیگی (گادتب) باشقانی

دوباره امتحان کنید

گونئی آذربایجان دئموکراتیک تورک بیرلیگینین (گادتب) خوجالی سویقیریمینین ایلدؤنومو موناسیبتیله بیلدیریشی

گادتب: آذربایجان دؤولتی ۲-جی قاراباغ محاربه‌سی و ۱ گونلوک آنتی-تئررور تدبیرلری ایله اؤز اراضی بوتؤولویو …

گرامیداشت «روز جهانی زبان مادری» در دانشگاه اورمیه

گادتب: دوم اسفند ماه ۱۴۰۲ مصادف با روز جهانی زبان مادری در جلسه عمومی کانون …