گادتب: مئشگین شهرده دوْغولموش آذربایجانلی هۆنرمند «توحید نوروزی» بو گۆن سحر ساعاتلاریندا تبریز شهریار خسته خاناسیندا اۆرهک توتماسی سببیندن دۆنیاسینی دییشدی.
بو گنج هۆنرمند باغلاما ساحه سینده فعالییت ائدیردی و بو ساحه ده چوْخلو اثرلر یاراتمیشدی.
تۆرکیه و آذربایجان جمهوریتی نین هنرمندلریندن ائتکی لنیب و نباتی، نسیمی، فضولی، مولانا، شهریار و رامیز روشن کیمی بؤیۆک شاعیرلرین شعرلریندن ایلهام لاناراق هۆنر و موسیقی چی لرله بیرگه «کوْل»، «حاییف»، «کؤنۆل داغی»، «موردار دۆنیا» و… کیمی آلبوملار یاراتمیشدیر.
اوْنون دیگر تانینمیش اثرلریندن: ساوالان، موغان، تبریزیم، جزا کیمی و … آد آپارماق اولار.
عباس لسانی تلگرام و اینستاگرام صحیفه سینین ادمینلری توحید نوروزی- یه تانریدان رحمت و عاییله سینه دؤزۆم دیلهییر. ها بئله بۆتۆن آذربایجان اینجه صنعت خادیم لرینه ده اۆرهکدن تسلییت دئییریک.
مکانى اۇچماق، یوْلۇ داواملی و آذربایجان میللتی نین باشی ساغ اوْلسۇن.