ادتاج اتحادیه دمکراتیک ترک آذربایجان جنوبی
گادتب: ایندیکی ایرقچی فارس-موللا رئژیمینین، حاکمیتی تورکلردن غصب ائدن پهلوی رئژیمینین دین پردهسی آلتیندا گیزلنهن فورماسی اولماسی کیمسهیه سیرر دئییلدیر. تورکلرین حاکمیتینی غصب ائتمیش پهلویلرین آذربایجانلا تورکییه تورکلری آراسیندا آذربایجان تورپاقلارینا کوردلری کؤچورمکله بوفئر زونا یاراتماسی پلانی سؤزسوز کی، ایرقچی فارس-موللا رئژیمی طرفیندن بوتون گوجو ایله داوام ائتدیریلیر. خصوصیله سورییادا یئنیلیب، تورکییه ایله آذربایجانین رئگیوندا اوغور قازانماسینا دؤزه بیلمهیهن موللا رئژیمی ائرمنیلر کیمی موختلیف اؤلکهلرین ماشاسینا چئوریلمیش مهاجیر کوردلر واسطهسیله حیرصینی آذربایجان تورکلرینه تؤکمهیه جهد ائتدی. ایرقچی فارس-موللا رئژیمی بو ایستیقامتده اورمییادا تئررورچو کوردلرین ایل آخیر چرشنبهده «نؤوروز شنلیگی» آدی آلتیندا آذربایجانین اراضی بوتؤولویونه قارشی یاللی گئتمهلرینه ایجازه وئردی. پاشینیانین قاراباغدا یاللی گئدیب آذربایجانین همین بؤلگهسینی ائرمنیستان آدلاندیرماسی کیمی، تئررورچو و موهاجیر کوردلر ده اورمییادا یاللی گئدهرک اورمییانی کوردوستان آدلاندیردیلار.
ایرقچی فارس-موللا رئژیمی آذربایجانین اراضی بوتؤولویونه قارشی قئید ائدیلهن قصدله یاناشی، هم ده «اورمییا علویلرینین توپلانتیسی» آدلی دینی توپلانتی کئچیرمهیه جهد ائتدی. لاکین آرتیق ایرقچی فارس-موللا رئژیمین اویونلارینا یاخشی بلد اولموش اویاق اورمییا اهالیسی ایرقچی فارس-موللا رئژیم و اونون الینده ماشایا چئوریلمیش تئررورچو کوردلرین فیتنه کارلیغینی محتشم میلیونلوق میتینقله بیر حرکتله پوزدو.
اورمییانین یئرلی تورک اهالیسی میلیونلوق میتینقله آذربایجان تورک میللتینین هئچ زامان اؤز وطنینین بیر قاریش بئله تورپاغیندان واز کئچمه یه جه یینی ثبوت ائتدی. بو میلیونلوق میتینق ایرقچی فارس-موللا رئژیمه و اونلارین ماشاسینا چئوریلمیش کورد تئررور قروپلاشمالارینا دا آیدین بیر خبردارلیق اولدو.
گونئی آذربایجان دئموکراتیک تورک بیرلیگی (گادتب) اورمییانین قهرهمان اهالیسینین ایرقچی فارس-موللا رئژیمی و تئررور قروپلاشمالارینا قطعیتلی جاوابینی آلقیشلاییب، بیلدیریر کی، گونئی آذربایجان تورک میللتی هئچ زامان اؤز تورپاقلاریندان بیر قاریشینی دا، هئچ کیمسهیه باغیشلامایاجاق.
اژدر تاغیزاده
گونئی آذربایجان دئموکراتیک تورک بیرلیگی (گادتب) باشقانی
