ادتاج اتحادیه دمکراتیک ترک آذربایجان جنوبی
گادتب: «آللاهین آدیلا»
آلدیغیمیز خبرلره گؤره یاغینتیلار برکتینه، اورمو گؤلوۆمۆز هله لیک نفس چکمک ده دیر. دئمک آزربایجانیمیزین جانی گؤلۆمۆزۆن دیریلیگینه ائلهجه بؤلگه ده یاشایانلارین حیاتی اوْنا باغلی دیر. اینانمالییق آلین یازیمیزی، سادجه دوْغانین محبتینه تاپشیرماق ایلک و سوْن سهویمیز اوْلاجاقدیر.
اورمو گؤلۆ قورویور یوْخسا قورودولور؟ اوْرتادا بیلهرک یوْخسا بیلمهدن پیس نیت لر وار یا یوْخ باشقا قوْنودورلار.
ایندی ایسه سؤز و ایستک خالقیمیزا مراجعت ائتمک و آییق میللتیمیزین گۆجۆنه آرخالاناراق بیر قیسا آتا سؤزۆ ده وار: «ائل گۆجۆ سئل گۆجۆ» بو ایکیسی یعنی بوْل داشغینلار دوْغا وریندن و ائل داشغینی میللت وریندن اورمو گؤلۆن قورتولوش یوْلودور.
دوْغا، اومود کی سئوه _ سئوه اؤز پایینی یاغدیریر آنجاق سیرا بیزلری یعنی میللتلری و اؤزۆمۆز اؤزۆمۆزدن بیر – بیریمیزدن سوْروشمالییق بیز نه ائتمهلییک؟
بو سوالا جاوابیمیز چالیشمالار اۆستۆنده قورولاجاقدیر.
گۆندم(هرگون) دانیشیقلاریمیزدا، ائتدیکلریمیزده و ایشلریمیزده اورمو گؤلۆمؤزۆ یادداشیمیزا گتیره ک، سو ایچدیگیمیز زامان «اورمو گؤل» تمیزلیک و نظافت ائدنده «اورمو گؤل» باغ باغچایا گزیه چیخاندا «اورمو گؤلۆ» گؤز اؤنۆنه گلمهلیدیر.
ذهنیمیزه بئینیمیزه گلن خیردا بؤیۆک ائده بیلهجهییمیزی اورمو گؤلۆنه فیکیرلهشهرک، یاپاجاییق.
اورمو گؤلۆم دوْلدوقجا گؤزلریمیز سئوینجله دوْلور چؤکنده دیزلر چؤکۆر آلین یازیمیز بیر – بیریمیزه باغلی دیر.
وطنیمیزین گؤزل گلینی سن یاشا و بیزیده یاشات.
#اورمو_گولونه_چالیش
#امروز_به_دریاچه_اورمیه_فکر_کنیم
محمود اوجاقلو
مرتضی پروین جدا
علی رضایی هاواستان
شاهرنگ نادری (علیرضا افشار)
ائوین زیندانی
۱۴۰۳/۳/۱۰ پنجشنبه
