ادتاج اتحادیه دمکراتیک ترک آذربایجان جنوبی
گادتب: آذربایجان پرئزیدئنتی جناب الهام علیئو نویابرین 25-ده آدا اونیوئرسیتئتینده کئچیریلن “اورتا دهلیز بویونجا: گئوسیاست، تهلوکه‌سیزلیک و ایقتیصادیات” موضوعسوندا بئین الخالق کونفرانسینین آچیلیشین‌داکی چیخیشیندا تئهران رئژیمی‌نین ماهیتینی آچا‌راق، گونئی آذربایجاندا آذربایجان تورک‌لری‌نین حقوقلارینین مدافعه‌سینی گوندمه گیترمیشدی.
آذربایجان پرئزیدئنتی ایرانین ایچ اوزونو و ماهیتینی آچا‌راق، گونئی آذربایجاندا آذربایجان تورک‌لری‌نین حقوقلارینین مدافعه‌سی باره‌ده دئمیشدی: “بیز هر زامان ایسته نیلن آنتی-آذربایجان بیاناتینا و حرکتینه جاواب وئرمیشیک و وئرجه ییک. بو سبب‌دن بیز ایران ایله سرحدده حربی تعلیم‌لر کئچیرمه‌لی اولدوق کی، اونلاردان قورخمادیغیمیزی نوماییش ائتدیرک. بیز حیات طرزیمیزین، آزربایجانین دونیوی اینکیشاف وئکتورونون و آذربایجانلیلارین، او جمله‌دن ایراندا یاشایان آذربایجانلیلارین مدافعه‌سی اوچون الیمیزدن گله نی ائدجه ییک. اونلار خالقیمیزین بیر حیسه‌سی‌دیر”.
آذربایجان پرئزیدئنتی همچینین ایرانین ریاکار، آنتی-آذربایجان ماهیتینی ایفشا ائده‌رک دئییب: “ایران رسمی‌لری، او جمله‌دن یوکسک روتبه‌لی شخص‌لر ائرمنیستانین اراضی بوتؤو‌لوگونون ایران اوچون “قیرمیزی خط” اولدوغونو بیلدیریر. نیه اونلارین هئچ بیری بیزیم حاقیمیزدا دا دانیشمیر؟ 30 ایل اراضی‌لریمیز ایشغال آلتیندا اولوب. ایران رسمی‌لریندن آزربایجانین اراضی بوتؤو‌لوگونون ایران اوچون “قیرمیزی خط” اولدوغونو ائشیدن وارمی؟ یوخ. بو، آذربایجان خالقینین وئردیگی ساده سوال‌دیر. تک من یوخ”.
جناب پرئزیدئنتین آزربایجانین گونئیینده یاشایان آذربایجانلیلارین حقوقلارینین مدافعه‌سینه تاکید ائتمه‌سی آذربایجان دؤولتی‌نین گوجلنمه‌سی‌نین گؤستریجی‌سی‌دیر و آذربایجان پرئزیدئنتی‌نین بو مؤوقعیی گونئی آذربایجان دئموکراتیک تورک بیرلیگی (گادتب) و بوتون آذربایجانلی‌لار طرفین‌دن آلقیش‌لانیر.
گونئی آذربایجان دئموکراتیک تورک بیرلیگی (گادتب) و عمومیتله گونئی‌لی اولا‌راق آذربایجان پرئزیدئنتی جناب الهام علیئوین بو مؤوقعیینی و 40 میلیونلوق آذربایجان تورکونون حقوق‌لارینی مدافعه ائتمه‌سینی تاریخی حادثه کیمی ده یرلندیریر و دایم جناب پرئزیدئنت و آذربایجان دؤولتی‌نین یانیندا اولدوغوموزو و دستکله دیگیمیزی بیل‌دیریریک.
اژدر تاغیزاده
گونئی آذربایجان دئموکراتیک تورک بیرلیگی (گادتب) باشقانی
