ادتاج اتحادیه دمکراتیک ترک آذربایجان جنوبی
گادتب-نین مطبوعات مرکزینه داخیل اولان معلوماتا گؤره، 2021-جی ایل یانوار آیینین 20-ده آوسترالیا-آذربایجان آسوساسیاسی و گونئی آذربایجان دئموکراتیک تورک بیرلیگی (گادتب) 100 نفره یاخین قوناغین ایشتیراکی ایله 20 یانوارین 31-جی ایلدؤنومو موناسیبتیله مؤحتشم آنیم تدبیری کئچیردیلر.
تدبیر آوسترالیا-آذربایجان آسوساسیاسی پرئزیدئنتی و گونئی آذربایجان دئموکراتیک تورک بیرلیگی (گادتب) بئین الخالق علاقه‌لر دئپارتامئنتی‌نین صدری سایین میکاییل اویتا و گادتب قادین و اینسان حاقلاری دئپارتامئنتی‌نین صدری سایین سارا خانیم آذرسونون تشکیلاتچیلیغی ایله باش توتوب.
تدبیرده آذربایجانین آوسترالیا اتفاقیندا موقتی ایشلر وکیلی رامیل قوربانوو، یئنی جنوبی اوئلزده (NSW) تورک کونسئیینین باشقانی دورسون جاندمیر و بشیر کاراسو تورک دایانیشما درنیی‌نین باشقانی و آوسترالیا حربی گالاپولی ر.س.ل آوبورن شعبه‌سی‌نین باشقان یاردیمجی‌سی محمت ائوین و گالاپولی مسجیدی‌نین باشقانی دؤکتور عبدالرحمن و دیگر تشکیلات لیدئرلری بو تدبیرده ایشتیراک ائتمیشدیلر .
تدبیری جئسیکا خانیم اویتا آپارمیش و تدبیرده آوسترالیا-آذربایجان آسوساسیاسیندان سایین میکاییل بی اویتا، آذربایجان سفیرلیگینین تمثیل‌چیسی سایین رامیل قوربانوو و گادتب-دن سایین سارا خانیم آذرسون چیخیش ائتمیشلر. تدبیرده همچینین 1990-جی ایل 20 یانوارلا باغلی ویدئو نوماییش ائتدیریلدی .
تدبیردن ویدئو و شکیل‌لری تقدیم ائدیریک:
