جمعه , نوامبر 20 2026
azfa
تازه ها

آوسترالیا دؤولتین‌دن سارا خانیم آزرسونون موللا رئژیمی‌نین گونئی آذربایجاندا اعتراضچی‌لاری قتل عام ائتمه‌سینه دایر مکتوبونا جاواب -شکیل

گادتب-نین مطبوعات مرکزینه داخیل اولان معلوماتا گؤره، گونئی آذربایجان دئموکراتیک تورک بیرلیگی‌نین (گادتب) اینسان و قادین حقوق‌لاری دئپارتامئنتی‌نین صدری سایین سارا خانیم آزرسونون موللا رئژیمی‌نین گونئی آذربایجاندا دینج اعتراضچی‌لارا دیوان توتوب، اونلاری قتل عام ائتمه‌سینه دایر آوسترالیا خاریجی ایشلر ناظری پئننی وونقا یازدیغی مکتوبا آوسترالیا دؤولتی طرفین‌دن جواب وئریلیب.

سارا خانیمین مکتوبونا آوسترالیا خاریجی ایشلر ناظری، سئناتور پئننی وونقون آدین‌دان حکومتین خاریجی ایشلر و تیجارت دئپارتامئنتی‌نین عنوانلادیغی مکتوبدا بیلدیریلیب کی، آوسترالیا غضبلندیریجی داورانیشینا و اعتراضچی‌لارا قارشی داوام ائدن اؤلومجول و غیری-متناسیب گوج تطبیقینه گؤره آچیق اولا‌راق ایران رئژیمینی فعال و آردیجیل شکیلده پیسله‌ییب.

بیلدیریلیب کی، آوسترالیا حکومتی ایسلام اینقیلابی کئشیک‌چی‌لری کورپوسونون (سپاه) جینایت مجلله‌سی سیاهی‌سینا داخیل اولونماسینی و عمل‌لرینه گؤره جاوابده ‌لیگینی طلب ائدن‌لری یاخشی باشا دوشور. لاکین جینایت مجلله‌سینده نظرده توتولان سیاهی دؤولت سوبیئکت‌لرینه دئییل، غیری-دؤولت سوبیئکت‌لرینه شامیل ائدیلیر. سپاه ایسه تام اولا‌راق ایران دؤولتی‌نین ترکیبینه داخیل‌دیر و جینایت مجلله‌سین‌ده کی تئررور تشکیلات‌لاری حاقیندا مدعا‌لارین تأثیر دایره‌سینه دوشمور: “حکومت حساب ائدیر کی، سفیرلیک‌لر و دیپلوماتیک پئرسونال حکومت‌لر آراسیندا رسمی علاقه‌لری ساخلاماق اوچون واجیب‌دیر. دیپلوماتیک علاقه‌لریمیز بیزی ناراحات ائدن مسئله‌لر، او جمله‌دن ایراندا اینسان حاق‌لارینین وضعیتی ایله باغلی ایران حکومتینه بیرباشا مراجعت ائتمه‌یه ایمکان وئریر”.

سایین سارا خانیم آزرسونون مکتوبونا جاوابین اینگیلیسجه تام متنینی تقدیم ائدیریک:

دوباره امتحان کنید

سنای آمریکا طرح محدودیت اختیارات جنگی ترامپ علیه ایران را رد کرد

گادتب: سنای آمریکا قطعنامه محدود کردن اختیارات جنگی دونالد ترامپ در قبال ایران را با …

جمهوری اسلامی برای احیای برنامه هسته‌ای و دستیابی به تسلیحات غیرمتعارف تلاش می‌کند

گادتب: گدعون ساعر، وزیر امور خارجه اسرائیل، روز پنجشنبه ۲۸ آبان ۱۴۰۵، در گفت‌وگو با …