ادتاج اتحادیه دمکراتیک ترک آذربایجان جنوبی
گادتب-نین مطبوعات مرکزینه داخیل اولان معلوماتا گؤره، بو گون نویابر آیینین ۸-ده سیدنئی‌ده تورک فئستیوالی کئچیریلیر.
آوسترالییا-آذربایجان آسوسیاسییاسینین پرئزیدئنتی، گونئی آذربایجان دئموکراتیک تورک بیرلیگی بئین الخالق علاقه‌لر دئپارتامئنتینین صدری سایین میکائیل بی اویتا و گونئی آذربایجان دئموکراتیک تورک بیرلیگینین قادین دئپارتامئنتینین صدری سارا خانیم آذرسون دا بؤیوک بیر پاویلیونلا همین فئستیوالا قاتیلیبلار.
فئستیوال شهرین مرکزین‌ده تشکیل ائدیلیب. فئستیوالا تورکیه، تاتاریستان ، اویغورلار، آذربایجان، قوزئی قیبریس تورک جمهوریتی، ماجاریستان و آبوریگئنلر قاتیلیبلار.
تورکیه‌نین سیدنئی‌ده‌کی باش کونسولو دا آوسترالییا-آذربایجان آسوسیاسییاسی و گادتب-نین پاویلیونونا باش چکمیش‌دیر.
فئستیوال‌دا مئلبورن‌دان دعوت ائدیلمیش آذربایجان موسیقی قروپو دا موسیقی ایفا ائدیب.
فئستیوال‌دان ویدئو و شکیللری تقدیم ائدیریک:
https://www.youtube.com/shorts/RrrK6tPd6qE
https://www.youtube.com/shorts/zyiiAIvIFJY
