ادتاج اتحادیه دمکراتیک ترک آذربایجان جنوبی
گادتب: آوسترالییا آذربایجان آسوسیاسییاسینین پرئزیدئنتی، گونئی آذربایجان دئموکراتیک تورک بیرلیگینین (گادتب) بین الخالق علاقه‌لر دئپارتامئنتینین صدری سایین میکائیل بی اویتا ۳۱ دئکابر – دونیا آذربایجان‌لیلارینین همرأی‌لیگی گونو موناسیبتیله بیلدیریش یاییب. بیلدیریشی اولدوغو کیمی تقدیم ائدیریک:
۳۱ دئکابر – دونیا آذربایجان‌لیلارینین همرأی‌لیگی گونو بوتون دونیایا سپه لنمیش ۵۵
میلیون‌دان آرتیق آزربایجانلینین بیرلیگینی، میللی کیملیگینی و معنوی گوجونو ایفاده ائد‌ن علامتدار
بیر گون‌دور.
بو تاریخ بؤیوک آذربایجان میللتینین دونیانین دؤرد بیر یانین‌دا یوکسک مدنیتینی، زنگین ارثینی و دؤولت‌چی‌لیک عنعنه‌لرینی لاییقینجه تمثیل ائتدیگینی بیر داها نوماییش ائتدیریر.
بو گون بیز گوج‌لو و موستقیل آذربایجان دؤولتینین مؤوجودلوغونو، اؤلکه‌میزی بین الخالق عالم‌ده ان یوکسک سوییه‌ده تانیدان، خالقیمیزا اعتبار و غرور قازان‌دیران بؤیوک سیاسی خادیم، آذربایجان رئسپوبلیکاسینین پرئزیدئنتی، حؤرمت‌لی جناب ایلهام علیئوین اوزاق گؤر‌ن سیاستینی خصوصی وورغولاییریق.
دؤولتچیلیگیمیزه قارشی یؤنلمیش هر جور تخریبات و چئوریلیش جهدلرینین ایفشا اولونماسی، میللی بیرلیگیمیزین قورونماسی هر بیر آزربایجانلینین بورجودور.
آوسترالییا آذربایجان آسوسیاسییاسی آدین‌دان ۳۱ دئکابر – دونیا آذربایجان‌لیلارینین همرای‌لیگی گونو و یئنی ۲۰۲۶-جی ایل موناسیبتیله بوتون دونیا آذربایجان‌لیلارینی صمیمی-قلب‌دن تبریک ائدیریک. بؤیوک میللتیمیزه محکم جان ساغ‌لیغی، اوزون عؤمور، شاد گونلر، ریفاه، فیراوان‌لیق، صلح و امین-آمان‌لیق آرزولاییریق.
قوی ۲۰۲۶-جی ایل آذربایجان خالقی اوچون بیرلیک، گوج و یئنی اوغورلار ایلی اولسون.
درین حؤرمتله،
میکائیل اویتا
آوسترالییا آذربایجان آسوسییاسینین بیرلیگینین پرئزیدئنتی
