ادتاج اتحادیه دمکراتیک ترک آذربایجان جنوبی
گادتب: حسرت کؤرپوسونون او باشی ارمنستان اشغالیندا اولاندا، ایران قووه‌لری بوردا گلیب دولانماغا مانع اولموردولار. هله گلیب بوردا اَیلنمک ایسته‌ین قوناقلار اوچون، کؤرپونون اطرافیندا دوراق و اوتوراجاق یئرلر ده حاضیرلامیشدیلار. و بیز هردفه آراز قیراغینا گئدنده کؤرپونو زیارت ائدردیک. بعضن سال داشلارین اوستونده آتیلاراق لاپ آرازین اورتالارینا قدر ده گئدردیک. قارشیمیزا چیخان بیری اولمازدی.
آما کؤرپونون او باشی تکرار آذربایجان قوجاغینا قاییداندان بری، حسرت کؤرپوسونو زیارت ائدیب شکیل چکمه‌یی یاساق ائدیبلر. بیز بو دفه ده آراز قیراغینا گئدنده، حسرتلریمیزی بو کؤرپو ایله پایلاشماق ایسته‌دیک. سیلاحلی قووه‌لر پاسگاهدان ایکی عسگری بیزه طرف گؤندردیلر. عسگرلر بیزی اوردا دورماقدان منع ائتدیلر و بیز حسرتیمیزی کؤرپو ایله پایلاشماق یئرینه کؤنلوموزده قویلاییب آراز قیراغیندا یولوموزا دوام ائتدیک.
