ادتاج اتحادیه دمکراتیک ترک آذربایجان جنوبی
گادتب: وطنیمیز آذربایجانین هر بوجاغیندا، ایل آخیر چرشنبهسینده اود یاندیریب، اود اوستوندن آتیلماق، شار یاندیریب گؤیلره آتماق، قووورغا قووورماق، یومورتا بویاماق، نیّت ائدیب دین دینلهمک (گیزلیجه قولاق آسماق)، قورشاق ساللاماق کیمی رسملر و دبلر واردیر کی بونلاردان علاوه هر بؤلگهنین ده اؤزونه مخصوص دبلری و رسملری واردیر.
ملیککندی شهرینه تابع اولان آغمینار کندینده، چرشنبه خاتونو عنوانلی بیر مراسیم وارکی ایراندا معنوی میراثلار لیستهسینه ده ثبت اولوبدور. بینار، مینار یا پینار دیلیمیزده بولاق آنلامیندادیر. آغمینار سؤزوندن بللی اولدوغو کیمی، او کند چوخ گؤزل و شهرتلی بیر بولاغین کناریندا یئرلشمیشدیر. بو بولاغین آدی اَلی بولاغیدیر و ایران میللی میراث لیستهسینده ثبت اولوبدور. بو بولاغین سویو یئددی گؤزهدن چیخیب گؤزهلرین اؤنونده بیربیرنه قاریشیر.
چرشنبه خاتونو مراسیمینده قادینلار اوولجه ائوی و دام- دوواری تمیز سو ایله یویوب ایسلادیرلار. سونرا برکت علامتی اولان بوغدا اونونو، ایسلانمیش یئرلره سپیب، یئنی ایل اوچون نیّت ائتدیکلری هر نهیین او جوملهدن آدام، گول، حئیوان و اوراق کیمی نسنهلرین شکیللرینی اونلو بارماقلاریلا ایسلانمیش دام- دووارا چکیرلر. بو اون سپمه و اونلا رسیم چکمه ایشی قوتاراندان سونرا، آدام شکیلینین آغزینا شیرینجهلیک علامتی اولاراق بیر کیشمیش ده قویورلار.
دوکتور فیضالهی وحیدین یازدیقلارینا اساسن، قالاچای ماحالی یا همین عجبشیر شهرستانی او جوملهدن دیزه شهری (بؤلگهنین مرکزی)نین اهالیسی آخیر چرشنبه آخشامی بیر چایین کنارینا گئدیب، نیّت ائتدیکدن سونرا کرمه، جویز یا دا کاغاذی بالاجا قاییقلار کیمی دوزلدیب ایچینه شمع یا اود قویوب اونلاری سویا بوراخیرلار. اونلارا گؤره، گمیسی چوخ یول گئدیب اودو گئج سؤنن آدام نیّتینه چاتاجاقدیر. بو دب ایجرا اولان یئرلرده، آخیر چرشنبه گئجهسی چایلار و سورلار، بالاجا- بالاجا اودلو گمیلرله دولاراق چوخ گؤزل منظرهلر یارادیرلار.
ملیککندی شهرینه تابع اولان آغمینار کندینده، چرشنبه خاتونو عنوانلی بیر مراسیم وارکی ایراندا معنوی میراثلار لیستهسینه ده ثبت اولوبدور. بینار، مینار یا پینار دیلیمیزده بولاق آنلامیندادیر. آغمینار سؤزوندن بللی اولدوغو کیمی، او کند چوخ گؤزل و شهرتلی بیر بولاغین کناریندا یئرلشمیشدیر. بو بولاغین آدی اَلی بولاغیدیر و ایران میللی میراث لیستهسینده ثبت اولوبدور. بو بولاغین سویو یئددی گؤزهدن چیخیب گؤزهلرین اؤنونده بیربیرنه قاریشیر.
چرشنبه خاتونو مراسیمینده قادینلار اوولجه ائوی و دام- دوواری تمیز سو ایله یویوب ایسلادیرلار. سونرا برکت علامتی اولان بوغدا اونونو، ایسلانمیش یئرلره سپیب، یئنی ایل اوچون نیّت ائتدیکلری هر نهیین او جوملهدن آدام، گول، حئیوان و اوراق کیمی نسنهلرین شکیللرینی اونلو بارماقلاریلا ایسلانمیش دام- دووارا چکیرلر. بو اون سپمه و اونلا رسیم چکمه ایشی قوتاراندان سونرا، آدام شکیلینین آغزینا شیرینجهلیک علامتی اولاراق بیر کیشمیش ده قویورلار.
دوکتور فیضالهی وحیدین یازدیقلارینا اساسن، قالاچای ماحالی یا همین عجبشیر شهرستانی او جوملهدن دیزه شهری (بؤلگهنین مرکزی)نین اهالیسی آخیر چرشنبه آخشامی بیر چایین کنارینا گئدیب، نیّت ائتدیکدن سونرا کرمه، جویز یا دا کاغاذی بالاجا قاییقلار کیمی دوزلدیب ایچینه شمع یا اود قویوب اونلاری سویا بوراخیرلار. اونلارا گؤره، گمیسی چوخ یول گئدیب اودو گئج سؤنن آدام نیّتینه چاتاجاقدیر. بو دب ایجرا اولان یئرلرده، آخیر چرشنبه گئجهسی چایلار و سورلار، بالاجا- بالاجا اودلو گمیلرله دولاراق چوخ گؤزل منظرهلر یارادیرلار.
