شنبه , نوامبر 21 2026
azfa

اردبیل مدنی-میللی فعال‌لاری ناصر رزمجونون گؤروشونه گئدیب‌لر

گادتب: ناصر رزمجو آذربایجان‌ میللی حرکتی‌نین سیاسی اکتیویستی ۲۹ مهر تاریخینده اردبیل اطلاعات گوج‌لرینین توسط‌ایله توتوقلاناراق سایر شهرلرده توتوقلانان ۱۲ مدنی-میللی اکتیویست یولداشلاری‌ ایله بیرلیکده تبریزین اداره اطلاعاتیندا ساخلانمیشدی.

ناصر رزمجو پنجشنبه گونو آذر آیین ۹ اوندا ۵۰۰ میلیون تومن وثیقه موقابیلینده کئچری اولاراق سربست بوراخیلدی.

میللی فعالین اتهام و توتوقلانما سبب‌لریندن “امنیت ملی‌ علیهینه اجتماع و تبانی” و “قانونسوز گروها عضویت” اعلان اولونوبدور.

میللی فعال باشقا ۱۳ توتوقلانان یولداش‌لاریلا برابر محکمه گونون اعلان اولماسینی گؤزله‌یجک‌‌.

بو گونه قدر ۳ آی اؤنجه‌دن ۱۳ توتوقلو و تبریز اطلاعات تجریدخاناسیندا ساخلانیلان‌ میللی فعال‌لاردان مرتضی محمدی، امیرحسین آقایی، حسین آزادی، مهرداد قادری، حامد یگانه پور و ناصر رزمجو موقتی بوراخیلیب و جواد سودبر، علی بابایی، آراز ابراهیم‌نژاد، سید محمدرضا موحد، داوود شیری و یوروش مهرعلیبیگلو همچینان تبریز اطلاعات تجرید‌خاناسیندا توتوقلو ساخلانیلیر.

توتوقلانلار، حبس مدتینده‌، وکیل گؤروشو حقی و نرمال حقوقی-قضایی رویه‌دن محروم اولوب و روحی-روانی شیددته معروض قالیب‌لار.

دوباره امتحان کنید

تداوم بازداشت و بلاتکلیفی نعمت افشار جوان آذربایجانی در زندان چوبیندر قزوین

گادتب: نعمت افشار، جوان آذربایجانی ساکن قزوین، ۲۶ روز است که توسط نیروهای امنیتی رژیم …

آغاز خاموشی دوساعته برق تهران تحت عنوان «مدیریت انرژی»

گادتب: شرکت توزیع نیروی برق تهران بزرگ در پیامکی به شماری از مشترکان، زمان قطع …