جمعه , مارس 29 2024
azfa

اورمو گولو جان وئریر

گادتب: نئچه گون اونجه تبریزده تاکسی دا اورمولو بیر آییله ایله یولبیر اولوب دانیشدیق ، آییله نین کیچیک بیر اوغلان اوشاغلاری 7 یا 8 یاشلاریندا آغ جییار هابئله نفس بوروسو خسته لیگینه یولوخموشدو .

آنا دئییردی گلمیشیک دوهتورلره آنجاق باش تاپماییرلار بو خسته لیک نه دیر ، ندنی نه دیر .

اوشاق آتاسینین دئدیگینه گوره یئمک یئمیر ، گونو گوندن آریخلاییب ، گوجدن دوشورموش .

آنجاق اوشاق آرد ، آردا دئییردی من خسته دئییلم ، من خسته دئییلم …

چوووخ اوزولدوم ، کووره لدیم .

ایستر ، ایستمزاورمو گولونون دورومو ، اورانین دوز فیرتینالاری اویلجه او توزدا اولان تورلو خسته لیک ندنلری یادیما دوشدو .

آتا ، آنایا اوز دوتوپ دئدیم ، دوهتورلره دئیین بو اوشاق هابئله یوزلرجه باشقا اوشاغین خسته لیگی نین نده نینی باشقا یئرده یوخ اورمو گولونون قوروماسین دا آرایین ، بوندان بئله بو تور خسته لیک لرله چوخ قارشیلاشاجاقسیز…

آنانین گوزلری دولوب دئدی بو اوشاغین امی سی بیلدیر همین خسته لیک کیمی خسته لنیب دونیاسینی ده ییشدی …

درین بیر کدره بوروندوم ، اوره ییم سیخیلدی

اینسان جانی نقدر اوجوز اولموش

14 میلیون اینسانین جانی هئچه ساییلیر .

فارس ایرقچیلیغی ، حکومت چیخارلاری ، سیاسی آماجلاری ایچین نه موندار ایشلره ال قویورلار…

بختیار وهابزاده دئمیشکن :

قورخورام گون گله

اینسانلار یاشایا اینسانلیق اوله

اوزون زماندیر یئر گوی آزربایجانین باشا ، باشیندا اورمو گولونون اولومونو ، میلیونلار اینسانین خطرلی گلجه یینی باغیریر .

نوحه اوخویانلار بئله اورمو گولونو کربلا ایله ائشیت توتوب باغیریرلار.

آنجاق حکومت یانچی لاری ، سوروملولار بو هایلاری ائشیتمیرلر.

آنجاق آزربایجانین قازانی گئج قیزیشیر ، گئج ده سویو یور .

اورمو گولو بیزیم گوزلریمیزدن قان آغلاییر .

بو قانلار سیزی یاخیندا بوغاجاق .

تبریزلی ائلچین

دوباره امتحان کنید

بازی کودکانه سرویس‌های اطلاعاتی رژیم ایران علیه حرکت ملی آزربایجان

گادتب: به گزارش مرکز گادتب به نقل از برخی سایتهای آذربایجان جنوبی،  گروه تروریستی حسینیون …

تحصن اهالی روستای زرشوران تکاب مقابل معدن طلای زرشوران

گادتب: اهالی روستای زرشوران شهرستان تکاب(تیکان تپه) آزربایجان روز سه شنبه ۷ فروردین ۱۴۰۳ در …