ادتاج اتحادیه دمکراتیک ترک آذربایجان جنوبی
گادتب: دونن ایسوئچده آذربایجان ائوینده مرحوم عاریف رحیم اوغلونا یاس تؤرنی کئچیریلیب. مراسیمده گونئی آذربایجان دئموکراتیک تورک بیرلیگی (گادتب) رهبرلیگیندن گادتب باشقانی سایین اژدر بی تاغیزاده و گادتب باشقان معاوینی سایین ائلدار بی قاراداغلی هم تشکیلاتچی و هم ایشتیراکچی کیمی قاتیلیبلار.
قئید ائدک کی، عاریف رحیم اوغلونا بوتؤو آذربایجان و گونئی آذربایجان سئودالیسی، شیمالی آذربایجاندا آذربایجان میللی حرکاتینین فعال ایشتیراکچیلاریندان بیری و بوتؤو آذربایجان بیرلیگینده (باب) ائلچیبیین ایدئولوژی مسئلهلر اوزره معاوینی ایدی.
عاریف بی رحیم اوغلو همچینین چوخ ده یرلی عالیم و تدقیقاتچی کیمی ده بوتؤو آذربایجان ایدئیاسینا بؤیوک خیدمت گؤسترمیشدیر. چوخ سایدا کیتاب و مقالهنین مؤلف اولان عاریف بی رحیم اوغلو عؤمرونون سون ایللرینی ایسوئچده یاشاسا دا، بوتؤو آذربایجان ایدئیاسینا دایم صادق قالیب و بو یولدا فعالیتلرینه داوام ائتمیشدیر.
