ادتاج اتحادیه دمکراتیک ترک آذربایجان جنوبی
گادتب: به گزارش مرکز خبر گادتب، “عئشق دیر عیسی نی چلیپایه چکن
میخ چالینان اللرینه کیمدی کلیسا دلی سی؟ “
حضرت عیسی صلیب یا کلیسا وورغونو دئییل دی اوْ تانری آدلی عئشقینین دلی وورغونو ایدی کی اوْنون اوغروندا صلیبه چکیلدی.
بو گۆن آذربایجان فخر گۆنشی نین پاریلدایان ایشیغی بیزه بیر درس اؤیرتدی یوسیف بَی کاری بو گۆن قرنطینه سئلول لاریندا آجلیق آکسییاسینین وورغونو دئییل بلکه اوْ عئشقی نین دلی سی دیر ؛ نئجه کی عیسی مسیح عئشقی نین دلی سی یدیر اوْ عئشقینه گؤره بو گۆن قارا میله لرین آرخاسیندا آجلیق دوروموندا زیندان چکیر.
«یوسیف کاری عئشقی نین آدی وطن آدلی آذربایجان دیر
وطن آدلی نغمه دیر»
یوسیف کاری آجلیق آکسییاسینا کئچمه یینده بیزه بونو آیدینلادیب کی عئشقینین کؤکۆنده، سؤزۆنده دیرنمک و اؤزگۆرلۆک وار. اوْ بلکه قورآن-ین «مالک الیوم الدین…» آیه سین دۆزگۆن آراشدیریر و اوْنو بللندیریر کی بو آیه نین ایچه‌رییی اؤزگۆرلۆک و اوْنون نغمه سینین خبرین گتیرمه سی و اینسانین اؤزگۆر سئچیمینین تعریفی دیر؛ اوْ بو قورآن-ین سؤزۆنه دایانیب و بئله بیر تعریف ائدیر:
اوْلا بیلر می بو اینسانلار کی غریضه لرین و چؤل تحریکاتین آلتیندا قرار تاپیب و اوْنا قوللانیبلار,اؤزگۆرلۆیه ال تاپمیش اوْلالار؟
و نئجه اوْلار اینسان بۆتۆن بو تحریکاتین آلتیندا اؤزۆن بولوغا یئتیریب و توْپلومو دییشه و《 ایّاکَ نَعْبُدُ …》آیه سینی بئله تحلیل ائدیر:«کئچمیشه دایاناراق گلجک دن قوْرخماماق و یانلیش افکارلارین آلتیندا قالماماق » یوسف کاری تانرینی نظرده آلیب و اؤزۆنه بیر بؤیۆک جهان بینی تعریف ائدیب و اوْ دا بودور کی اینسانین ذاتی اؤزگۆردۆر و سئچیم اوْنون اصیل عنصرو و اۆزگۆرلۆک اوْنون اصیل معیاری دیر، بیر سئچیم کی اوْنو دۆز یوْلا یؤنلدیر و سوْنوندا دئمه لییم کی یوسف کاری اردبیل اطلاعات قووه سینین، قضایی سیستمین و زیندان باشچیلارین اردبیل زیندانین قرنطینه سئلوللاریندا محکوم ائدیب و اوْنلاری چؤکۆردۆب دور یوسف کاری آجلیق آکسییاسی حالدا قارانلیق سئلول لارین ایچینده آیدین دؤیۆش آپاریر.
ائوین زیندانی، دوز گۆنۆ ۱۳۹۹ جو ایل دی آیی نین ۲۹ سی
توحید امیر امینی
