ادتاج اتحادیه دمکراتیک ترک آذربایجان جنوبی
گادتب: بایرام آیینین ایکیسی، فوریه نین ایگیرمی بیری، بین الملل سازمان طرفیندن آنا دیل گونو آدلانیب.
نه یازیق کی ایراندا یاشایان غیر فارس تورک، کورد، عرب خالقلاری، هله ده آنا دیله عایید اولان بوتون حاقلاریندان محروم ساخلانیبلار.
قیریخ ایکی ایل اسلامی انقلابدان سووشوب. اما ایسلام حاکمیتی هله ده اوز یازدیغی آنا یاسانین آنا دیلینه عایید اولان ماده قانونی ایجرا ائلییه بیلمییب.
آیدین دی، آنا دیل حاقی اسلامی ایناملاریلا هئچ بیر تضادی یوخدو. اونا گوره آنا یاسانین آنا دیلینه مربوط اولان اون بئشینجی اصلین ایجرا اولونماماسی، ایسلامی اینانجیلارا هئچ ربطی یوخدو.
قیرخ ایکی ایل ایسلامی حاکمیتدن سونرا بو اصلین یئرده قالماسی، اثبات ائدیر کی، بو باره ده شیطانی پان آریایی اندیشه سی ایسلامی ایناملاری زورلاماق قدرتینه مالیکدی.
وورغولاماق لازیمدی.
آیا پان آریایی اولمایان مسلمان بسیجیلر و سپاهی لر و ساییر نهادلاردا عضو اولان ایسلامچیلار، هئچ اوزلریندن سوروشورلار، ندن قیریخ ایکی ایلدی غیر فارس میللترین بو قانونی حاقلاری یئرده قالیب و وئریلمیر؟
پان آریایی شیطانی تفکورون ایسلام ایناملارینا بو توور زور دییب باسقی سالمالاری، ندن ایسلام قایغیسینا قالانلاردا هئچ بیر کوشکو یاراتمیر؟
نه زامانا جان پان آریایی شیطانی تفکور بو مملکتین آچیب باغلایانی اولاجاقدیر؟
نه زامانا جان فاشیستی فارس محور بیر اندیشه بو مملکتی گروگان ساخلایاجاق؟
