ادتاج اتحادیه دمکراتیک ترک آذربایجان جنوبی
گادتب: «۸ نوامبر ۲۰۲۰» ( ۱۸ آبان ۱۳۹۹) سوت گونو،اینانیلماز کیمی اولان بیر خبر، آذربایجان جمهوریتی پرزیدنتی سایین «ایلهام علییف» طرفیندن، گون اورتادان بیرآز قاباق دونیایا یاییلدی!
« شوشا شهری ایشغالدان آزاد اولدو…!»
آخ … ! بو خبر نه قدر گؤزل، نه قدر ائتگیلی و نه قدر گوجلو ایدی!
ال چاتماز «شوشا» شهری و یا اصلینده تاریخی شوشا قالاسی نئجه آلیندی، نه تاکتیک ایشلندی، هانسی ایگیدلریمیزین توسطی ایله آلیندی، داها چوخ افسانه کیمی اولدو!
بو افسانهلری آذربایجانین ایگید و قهرمان عسگرلری اؤز فداکارلیقلاری، ایگیدلیکلری و قانلارینین قیمتینه یازیب – یاراتدیلار و دوستلاری سئویندیریب دوشمنلری مایوس ائتدیلر!
آذربایجان تاریخی بو قهرمانلاریمیزین آدلارینی و ایگیدلیکلرینی افتخارلی صحیفهلرینده ابدی اولاراق قیزیل قلمله یازاجاق….!
ای آذربایجان! سن ایگید، قهرمان و جانلارینی وطن یولوندا قوربان وئرن وطن اوغوللارینا فخر ائت…!
