ادتاج اتحادیه دمکراتیک ترک آذربایجان جنوبی
گادتب: گونئی آذربایجان دئموکراتیک تورک بیرلیگی (گادتب) اینسان حاقلاری دئپارتامئنتینین صدری سایین سارا خانیم آذرسون ایران ایسلام اینقیلابی کئشیکچیلری کورپوسونون (سپاه) تئررور تشکیلاتی کیمی تانینماسینا گؤره آوسترالییا حکومتینه و پئننی وونقا تشکور مکتوبو عنوانلاییب.
سایین سارا خانیمین مکتوبونون ترجومهسینی اولدوغو کیمی تقدیم ائدیریک:
حؤرمتلی پئننی وونق
خاریجی ایشلر ناظری
آوسترالییا پارلامئنتی
تاریخ: ۲۸ نویابر ۲۰۲۵
حؤرمتلی ناظر وونق،
جنوبی آذربایجان دئموکراتیک تورک بیرلیگی (گادتبب) قادین حقوقلاری دئپارتامئنتی آدیندان، ایران ایسلام اینقیلابی کئشیکچیلری کورپوسونون (ایرگج) تئررور تشکیلاتی کیمی تانینماسینا گؤره آوسترالییا حکومتینه صمیمی تشکورومو بیلدیریرم.
بو قتیتلی آددیم آوسترالییانین قلوبال تهلوکهسیزلییه، اینسان و قادین حقوقلارینین قورونماسینا، سپاه-ین ثابتلیگی پوزان فعالیتلریندن بیرباشا تأثیرلنهن ایجمالارا دسته یینه صادیقلیگینی نوماییش ائتدیریر. آوسترالییادا یاشایان بیر چوخ جنوبی آذربایجانلی اوچون بو قرار اونلارین ناراحاتلیقلارینین ائشیدیلدیگینه و ان یوکسک سوییهده جدی قبول اولوندوغونا دایر اینام یاراتمیشدیر.
سیزین رهبرلیگینیز آوسترالییانین عدالتی، حساباتلیلیغی و حقوقون عالیلیگینی پریوریتئتلشدیرهن بیر اؤلکه کیمی رولونو داها دا گوجلندیریر. سیزین جسارتینیزه و اینسان حقوقلارینا سارسیلماز صداقتینیزه گؤره درین میننتدارلیغیمیزی بیلدیریریک. بو قرار بیزیم ایجمامیز و بوتون آوسترالییا اوزره سایسیز-حسابسیز اینسانلار اوچون بؤیوک اهمیت داشیییر.
حؤرمتله،
سارا آذرسون
قادین حقوقلاری دئپارتامئنتینین رهبری
جنوبی آذربایجان دئموکراتیک تورک بیرلیگی
مکتوبون اینگیلیسجه متنی:
