ادتاج اتحادیه دمکراتیک ترک آذربایجان جنوبی
گادتب: ۳۰ آوقوست – تورکیهنین وطن محاربهسینده ایشغالچیلارا قارشی قازاندیغی محتشم ظفر بایرامی موناسیبتیله آوسترالییانین سیدنئی شهرینده رسمی تدبیر کئچیریلدی.
تدبیره آوسترالییا آذربایجان آسوسیاسییاسینین ویتسئ-پرئزیدئنتی و گونئی آذربایجان دئموکراتیک تورک بیرلیگینین (گادتب) اینسان حاقلاری دئپارتامئنتینین صدری حؤرمتلی سارا خانیم آذرسون دا رسمی دعوتله قاتیلمیشدیر.
سایین سارا خانیم آذرسون تدبیرده ۳۰ آوقوست –تورکیهنین ظفر بایرامی موناسیبتیله چیخیش ائدیب.
سارا خانیم چیخیشیندا تورکیهنین ایشغالچی قوهلری اؤز تورپاقلاریندان قوواراق قازاندیغی تاریخی ظفرین دونیادا میثلی گؤرونمه دیگینی وورغولامیش، بو غلبهنین بوتون تورک دؤولتلرینه و تورک میللتلرینه موبارک اولدوغونو قئید ائتمیشدیر. او، همچینین بوتون شهیدلریمیزین عزیز خاطرهسینی احتیراملا یاد ائدرک اونلارین روحو قارشیسیندا باش ایدیگینی بیلدیرمیشدیر.
آذربایجان و تورکیه – «بیر میللت، ایکی دؤولت» – شوعاری ایله هر زامان بیر-بیرینه دستک اولموش، آذربایجانین سون وطن محاربهسینده قاراباغیمیزی ایشغالدان آزاد ائتمهسی ایله ظفر بایراملاریمیزی بیرگه قئید ائتمیشیک. تورکیهنین غلبهسی بیزیم غلبهمیز، سئوینجیمیز بیردیر، کدریمیز بیردیر.
نه موتلو تورکوم دئیه نه!
بو تدبیر یئنی گونئی اوئلز ( (NSW تورک درنه یی طرفیندن حؤرمتلی مئحمئت ائوینین تشکیلاتچیلیغی ایله کئچیریلمیش، همچینین تورکییهنین NSW باش کونسولو و دیپلوماتلاری دا ایشتیراک ائتمیشلر.
تدبیرله باغلی ویدئولار:
