ادتاج اتحادیه دمکراتیک ترک آذربایجان جنوبی
گادتب-نین مطبوعات مرکزینه داخیل اولان معلوماتا گؤره، آوسترالییا آذربایجان آسوسیاسییاسینین پرئزیدئنتی، گونئی آذربایجان دئموکراتیک تورک بیرلیینین (گادتب) بئین الخالق علاقه‌لر دئپارتامئنتینین صدری سایین میکائیل بی اویتا آوسترالییادا ائرمنی لوببی‌سینین داغیدیجی فعالیتی و یالان‌چی سویقیریم ادعالارینین تبلیغی و قانون‌سوز فعالیتلرینین ایفشاسی ایله باغلی آوسترالییا یئنی گونئی اوئلز (NSW) ایالتینین باش ناظری کریستوفئر مینسه مکتوبلا مراجعت ائدیب.
سایین میکاییل بی اویتا مکتوبونون بیر حیسه‌سین‌ده ائرمنی لوببی‌سینین آوسترالییادا داغیدیجی فعالیتی و یالان‌چی سویقیریم ادعالارینی تبلیغ ائتمه‌لرینین ناراحات‌لیق دوغوردوغونو بیلدیریب :
بیز سیاسی موذاکیره‌لری ایداره ائد‌ن دئموکراتیک پرینسیپلری تام باشا دوشوروک و اونلارا حؤرمت ائدیریک، لاکین بو مسئله‌لرین ساده‌جه سیاست‌دن کنارا چیخدیغینی وورغولاماق چوخ واجیب‌دیر. ائرمنی لوببی‌چیلری طرفین‌دن ایره لی سوروله‌ن روایتلرعداوت و نیفرت موحیطی یارادیب کی، بو دا تأسف کی، جمعیتیمیزده زوراکی‌لیق، حده-قورخو و حتی فیزیکی زوراکی‌لیق حاللاری ایله نتیجه لنیب، خصوصاً ده تورک و آذربایجان‌لی اوشاقلاری هدف آلیب.
سؤزوگئدن حادثه‌لرله باغلی ائرمنیلرین ادعالارینی دستکله‌یه‌ن بیرمعنالی بئین الخالق ثبوتلارین اولماماسی آوسترالییا دؤولت سیاست‌چیلرینین بو ایشه جلب ائدیلمه‌سی ناراحات‌لیق یارادیر. بیز قطعی شکیل‌ده اینانیریق کی، بؤلوجو و موباحثه‌لی مسئله‌لر، خصوصاً ده قطعی ثبوتو اولمایان مسئله‌لر بیزیم مولتیکولتورال جمعیتیمیزده اجتماعی موذاکیره‌لرین مرکزی اولمامالی‌دیر.
ایجما اولاراق اساس مقصدیمیز آوسترالییا مولتیکولتورال منظره‌سی داخیلین‌ده صاحه و هارمونییا یاراتماق‌دیر. تفریقه یارادان روایتلردن قایناق‌لانان بو موباحثه‌لی مسئله‌لره دقتین یؤنلدیلمه‌سی بو مقصده چاتماق اوچون یئرسیز و عکس حرکت‌دیر. بیز آوسترالییا داخیلین‌ده موختلیف ایجمالار آراسین‌دا آنلاشما، دیالوق و امکداش‌لیغی تشویق ائد‌ن داها اینکلوزیو یاناشمانین طرفداریییق.
سیزدن خواهیش ائدیریک کی، ناراحاتلیغیمیزی نظره آلیب و آوسترالییانین سیاست‌چیلرینین آیدین بئین الخالق کونسئنسوس اولمادان موباحقه‌لی مسئله‌لری آچیق شکیل‌ده دستکله‌مه‌سینین پوتئنسیال منفی نتیجه‌لرین‌دن خبردار اولماسینی تامین ائتمک اوچون مووافیق تدبیرلر گؤرولسون. بیز حساب ائدیریک کی، قارشی‌لیق‌لی حؤرمت و آنلاشما موحیطینین یارادیلماسی مولتیکولتورال جمعیتیمیزین داوام‌لی اوغورلاری اوچون واجیب‌دیر.
بو مسئله‌یه دقتینیزه گؤره تشکور ائدیره‌م. بیز بو ناراحات‌لیقلاری داها چوخ موذاکیره ائتمک و آوسترالییا جمعیتین‌ده بیرلیک و هارمونییا یاراتماق اوچون امکداش‌لیق ائتمک فورصتینی چوخ قیمتله‌ن‌دیریریک.
حؤرمتله،
میکائیل اویتا
آوسترالییا آذربایجان‌لیلاری آسوسیاسییاسی پرئزیدئنتی
