ادتاج اتحادیه دمکراتیک ترک آذربایجان جنوبی
گادتب-نین مطبوعات مرکزینه داخیل اولان معلوماتا گؤره، گونئی آذربایجان دئموکراتیک تورک بیرلیگی (گادتب) بئینلخالق علاقه‌لر دئپارتامئنتینین صدری، آوسترالییا آذربایجان آسوسیاسییاسینین پرئزیدئنتی سایین میکائیل بی اویتا ویکتورییا قانونوئریجی‌لیک آسامبلئیاسینین صدری ماری ائدواردسا غرضلی شکیل‌ده آذربایجانلا پارلامئنت دوستلوق قروپونون لغوینه اعتراض اولاراق اونا مکتوبلا مراجعت ائدیب.
سایین میکائیل بی آذربایجانلا پارلامئنت دوستلوق قروپونون لغوین‌دن ناراحات‌لیغینی بیلدیریب.
سایین میکائیل بی مکتوبونو تقدیم ائدیریک:
حؤرمتلی ماری ائدواردس،
بیز گونئی آذربایجان دئموکراتیک تورک بیرلیگی (گادتب) اولاراق ویکتورییا شتاتین‌دا آذربایجانین پارلامئنت دوستلاری قروپونون بو یاخینلاردا لغو ائدیلمه‌سی ایله باغلی جدی ناراحات‌لیق دوغوران بیر مسئله نی دقتینیزه چاتدیرماق ایسته ییریک.
دقتیمیزه چاتدیریریق کی، بو آرزو اولونماز مسئله‌یه آوسترالییا ائرمنی میللی کومیته‌سینین فعالیتی و یونان، کیپر، آسسور، کورد و خریستیان قوروملارینین کوالیسییاسینین جلب ائدیلمه‌سی تأثیر گؤسترمیش‌دیر. بو قروپون لغوی کامپانییاسی آچیق دیالوقو بوغماق و ویکتورییا پارلامئنتین‌ده آذربایجان ماراقلارینین قانونی تمثیلچیلیگینی بوغماق اوچون ایستراتئژی آددیم کیمی گؤرونور.
تئرروریزمی دستکله‌یه‌ن و روسییا ایله سیخ علاقه‌سی اولان اولترا-میللت‌چی ائرمنی سیاسی پارتییاسی اولان ائرمنی اینقیلابی فئدئراسییاسینا منسوب شخصلرین آوسترالییا خالقینین سئچیلمیش نماینده‌لرینه گیزلی تضییقلر ائتمه‌سینی ناراحات ائدیجی حساب ائدیریک. بو، خاریجی تأثیر شفافلیغین آچیق شکیل‌ده پوزولماسی‌دیر. بو جور تأثیر ویکتورییا پارلامئنتی داخیلین‌ده قرار قبول ائتمه پروسئسینین بوتؤولویو ایله باغلی جدی سواللار دوغورور.
ائرمنی اینقیلابی فئدئراسییاسینین گون‌ده‌لیگی دئموکراتیک دیرلره و سیاسی سیستئملرین بوتؤولویونه تهلوکه یارادیر…
سایین میکائیل بیین مکتوبونون اینگیلیسجه تام متنینی تقدیم ائدیریک:
