ادتاج اتحادیه دمکراتیک ترک آذربایجان جنوبی
گادتب-نین مطبوعات مرکزینه داخیل اولان معلوماتا گؤره، دونن آوسترالییانین سیدنئی شهرین‌ده تورکیه‌نین میللی سووئرئنلیک و اوشاق بایرامی گونو ایله باغلی تدبیر کئچیریلیب.
آوسترالییا آذربایجان آسوسیاسییاسی پرئزیدئنتی، گونئی آذربایجان دئموکراتیک تورک بیرلیگی (گادتب) بئین الخالق علاقه‌لر دئپارتامئنتینین صدری سایین میکاییل بی اویتا و گونئی آذربایجان دئموکراتیک تورک بیرلیگی (گادتب) قادین و اینسان حاقلاری دئپارتامئنتین صدری سایین سارا خانیم آذرسون تدبیرده ایشتیراک ائتمیشلر.
تدبیر آوسترالییادا یئنی گونئی اوئلز (NSW) تورک آسوسیاسییاسینین تشکیلاتچیلیغی، ایالتین مولتیکولتورال باش ناظرینین حمایه‌سی، آوسترالییا آذربایجان آسوسیاسییاسی و گادتب-نین ایشتیراکی ایله کئچیریلمیش‌دیر.
تدبیره یئنی گونئی اوئلز مولتیکولتورال باش ناظرینین نماینده‌سی، تورکیه‌نین بؤیوک ائلچی‌لیگی سایین اوفوک گزر، باش کونسولو علی سئویم، چوخ سایلی میللت وکیلی، او جمله‌دن لیندا وولز، جولیا فین و سایر ایشتیراک ائتمیشلر. مراسیمه اویغور تورکلری ده قاتیلمیشلار.
تدبیرده سایین میکائیل بی اویتا چیخیش ائتمیش‌دیر.
https://www.youtube.com/shorts/-dT1ucVsKyc
تدبیردن شکیل و ویدئولاری تقدیم ائدیریک:
https://www.youtube.com/shorts/-dT1ucVsKyc
