ادتاج اتحادیه دمکراتیک ترک آذربایجان جنوبی
گادتب-نین مطبوعات مرکزینه داخیل اولان معلوماتا گؤره، آذربایجان-آوسترالیا آسوسیاسییاسی پرئزیدئنتی، گادتب بئین الخالق علاقه‌لر دئپارتامئنتی‌نین صدری سایین میکائیل بی اویتا اوکراینانین آوسترالیا‌داکی سفیری واسیل میروشنیچئنکویا مکتوب عنوانلایا‌راق اوکراینایا اؤز دسته یینی بیلدیریب..
سایین میکائیل بی اویتا روسیانین اوکراینایا حربی تجاووزو و ایشغال‌چیلیق سیاستینی قینایا‌راق قهرمان اوکراینا میللتی و دؤولتینه اؤز دسته یینی نوماییش ائتدیرمیش‌دیر.
میکائیل بی اویتا پوتینین حربی تجاووزونون قبول ائدیلمز اولدوغونا توخونا‌راق روسیانین تورک میللتی و دؤولت‌لرینه، او جمله‌دن آذربایجانا دا دفعه‌لرله هجوم ائدیب و آذربایجانی ایشغال ائتمه‌سینی خاطیرلادیب.
سایین اویتا مکتوبونون سونوندا یازمیشدیر: “آوسترالیا-آذربایجان آسوسیاسیاسی پوتینین اوکراینایا تجاووزونو پیسله ییر و بو چتین زاماندا اوکراینا خالقینین و حکومتی‌نین قهرمانجاسینا مقاومتی ایله تام هم رأی‌دیر. بیز سیزین صلح شرایطینده یاشاماق و اؤلکه‌نیزی مدافعه ائتمک و اوکراینا خالقینین غلبه‌سینی گؤره‌جک میللی طالعیینیزی تعیین ائتمک حقوق‌لارینیزا اینانیریق. دونیا ایجتیماعیتی‌نین اوکراینا‌داکی عدالت‌سیزلییه و روسیا تجاووزکارلارینا قارشی دورماغین واختی‌دیر”.
سایین میکائیل بی اویتانین مکتوبونون اینگیلیسجه متنینی تقدیم ائدیریک:
