ادتاج اتحادیه دمکراتیک ترک آذربایجان جنوبی
گادتب-نین مطبوعات مرکزینه داخیل اولان معلوماتا گؤره، آوسترالییا آذربایجان آسوسیاسییاسینین پرئزیدئنتی، گونئی آذربایجان دئموکراتیک تورک بیرلیگینین (گادتب) بئین الخالق علاقهلر دئپارتامئنتینین صدری سایین میکائیل بی اویتا آوسترالییا پارلامئنتینده آذربایجان و تورکیهیه قارشی ائرمنی، آیسور و یونان ایجمالارینین فیتنه کارلیغیندان خبر توتان کیمی بو فیتنه کارلیقلا موباریزه مقصدیله مکتوبلا مراجعت ائدیب و حاضردا مکتوبا جاواب دا گلیب.
سایین میکائیل بیین مراجعتینه جاوابی درج ائدیریک:
حؤرمتلی جناب اویتا،
کومیتهنین وئب-صحیفهسیندهکی تقدیمات پورتالی واسطهسیله آوسترالییا آذربایجان آسوسیاسییاسی آدیندان کومیتهیه مراجعت ائتدیگینیز اوچون تشکور ائدیریک. قئید ائدیریک کی، سیز «آوسترالییا آذربایجانلی ایجماسی آدیندان سورغودا رسمی شکیلده ایشتیراک ائتمک و تقدیمات تقدیم ائتمک پروسئدورو بارهده رهبرلیک» ایسته میسینیز.
نظرینیزه چاتدیریریق کی، بو سورغو ایله باغلی رسمی تقدیمات وئرمه یین ان اویغون یولو محض مراجعتینیزی ائتدیگینیز تقدیمات پورتالیدیر. تقدیماتلارین قبولو ۱۲ یانوار ۲۰۲۶-جی ایل تاریخینده باشا چاتاجاقدیر.
همچینین دقتینیزه چاتدیریریق کی، بو سورغو اوچون واخت محدود اولدوغونا گؤره کومیته یالنیز موضوع اوزره متخصصلردن و تشکیلاتلاردان (او جملهدن ایجما تشکیلاتلاریندان) داخیل اولان تقدیماتلاری درج ائدجکدیر. تقدیماتلار موطلق شکیلده سورغونون صلاحیت چرچیوهسینه ایستیناد ائتمهلیدیر.
تقدیماتین حاضرلانماسی ایله باغلی علاوه معلومات آراییش اوچون علاوه اولونموشدور. اومید ائدیرهم کی، بو معلومات سیزه کؤمک ائدجکدیر.
حؤرمتله،
کارلی مک کئننا
کومیته مئنئجئری
قئید ائدک کی، سایین میکائیل بی اویتا آذربایجان و تورکیهیه قارشی ائرمنی، آیسور و یونان ایجمالارینین فیتنه کارلیغینا مانع اولماق اوچون همین پروسئسده ایشتیراک ائتمکله باغلی مکتوب یازیب. مکتوبو تقدیم ائدیریک:
