ادتاج اتحادیه دمکراتیک ترک آذربایجان جنوبی
گادتب-نین مطبوعات مرکزینه داخیل اولان معلوماتا گؤره، آوسترالییا آذربایجان آسوسیاسییاسینین پرئزیدئنتی، گونئی آذربایجان دئموکراتیک تورک بیرلیگینین (گادتب) بئین الخالق علاقهلر دئپارتامئنتینین صدری سایین میکائیل بی اویتا ایران ایسلام اینقیلاب کئشیکچیلری کورپوسونون (سپاه) تئررور تشکیلاتی کیمی تانینماسی ایله باغلی آوسترالییانین خاریجی ایشلر ناظری پئننی وونگا مکتوبلا مراجعت ائدیب.
مراجعتی اولدوغو کیمی تقدیم ائدیریک:
ایران ایسلام اینقیلاب کئشیکچیلری کورپوسونون (سئپاه) تئررور تشکیلاتی کیمی تانینماسی بارهده تعجیلی مراجعت
حؤرمتلی جناب وونگ،
آوسترالییا آذربایجانلیلاری آسوسیاسییاسی آدیندان آوسترالییا حکومتینی ایرانین ایسلام اینقیلاب کئشیکچیلری کورپوسونو (ایرگج) رسمی شکیلده تئررور تشکیلاتی کیمی تانیماقلا باغلی قطعی آددیم آتماغا چاغیریریق.
سپاهین تئررورچولوغو دستکلهمک، اینسان حقوقلارینی بوغماق و یاخین شرقی غیری-ثابیتلشدیرمک کیمی اوزون مودتلی فعالیتی وار. اونون عملیاتلاری مولکی اهالینین، او جملهدن ائتنیک و دینی آزلیقلارین تهلوکسیزلیگینی بیرباشا تهدید ائتمیش و قلوبال تهلوکهسیزلیگیه تهدید یارادان رئگیونال گرگینلییه سبب اولموشدور. سپاهین تئررور قورومو کیمی تانینماسی آوسترالییانین اینسان حقوقلارینا، قانونون عالی لیگینه و گوناهسیز اینسانلارین قورونماسینا صادیقلیگینی قوروماق باخیمیندان حیاتی اهمیت کسب ائدیر.
بیز حساب ائدیریک کی، بو تانینما آشاغیداکی نتیجهلره سبب اولاجاق:
• آوسترالییانین تئرروریزمه و دؤولت طرفیندن دستکلنهن زوراکیلیغا قارشی دگیشمز مؤوقعیینی نوماییش ائتدیرهجک؛
• سپاهین زوراکی و رئپرئسسیو حرکتلریندن ضرر چکمیش قوربانلاری، او جملهدن گوناهسیز مولکی شخصلری و دیاسپور ایجمالارینی دستکلهیهجک؛
• تئرروریزمله موباریزهیه صادق اولان بئین الخالق طرفداشلارلا آوسترالییانین اتفاقلارینی گوجلهندیرهجک.
سیزدن خواهیش ائدیریک کی، بو مسئلهیه پریوریتئت یاناشاسینیز و سپاهین تئررور تشکیلاتی کیمی تانینماسی ایستیقامتینده درحال آددیملار آتاسینیز. آوسترالییا آذربایجانلیلاری ایجماسی و سپاهین عمللریندن اذیت چکمیش سایسیز-حسابسیز اینسانلار آوسترالییادان تئرروریزمه و ظلمه قارشی لیدئرلیک نوماییش ائتدیرمهسینی گؤزله ییرلر.
دقتینیزه گؤره تشکور ائدیریک.
حکومتین بو مسئله ایله باغلی مؤوقعیی و مومکون آددیملاری بارهده بیزی معلوماتلاندیرماغینیزی بؤیوک میننتدارلیقلا قارشیلایاردیق.
حؤرمتله،
میکائیل اویتا
آوسترالییا آذربایجانلیلاری آسوسیاسییاسی (آاا) پرئزیدئنتی
