ادتاج اتحادیه دمکراتیک ترک آذربایجان جنوبی
گادتب-نین مطبوعات مرکزینه داخیل اولان معلوماتا گؤره، آوسترالیا آذربایجان آسوسیاسییاسینین پرئزیدئنتی، گونئی آذربایجان دئموکراتیک تورک بیرلیینین (گادتب) بئین الخالق علاقهلر دئپارتامئنتینین صدری سایین میکائیل بی اویتا ائرمنیستانین ائرمنیستان-آذربایجان سرحدینده مئتاللورگییا زاوودونون تیکینتیسی ایله باغلی آوسترالیانین خاریجی ایشلر ناظری پئننی وونگا مکتوبلا مراجعت ائدیب.
سایین میکاییل بی اویتا مکتوبونون بیر حیسهسینده یازیر: «آوسترالیا آذربایجانلیلاری ایجماسی اولاراق بیز ائرمنیستانین آذربایجان و ناخچیوان موختار رئسپوبلیکاسی ایله سرحدده یئرلشن یئراسخ (آرازدئیان) کندینده ایری مئتاللورگییا زاوودو تیکمهسی ایله باغلی سون خبرلردن درین ناراحاتلیغیمیزی بیلدیریریک. بیز بو حادثهنی ائرمنیستانین رئگیوندا اونسوز دا تهلوکهلی اولان ائکولوژی وضعیتی گرگینلشدیرمک نیتینین باریز گؤستریجیسی کیمی قیمتلندیریریک.
۱۶۵۰۰ کوادراتمئتر اراضینی احاطه ائدن و ایللیک ایستئحصال گوجو ۱۸۰ مین تون اولان بو گئنیش مئتاللورگییا زاوودونون تیکینتیسی بئین الخالق ایستاندارتلارین و پرینسیپلرین، خصوصاً ده بین الخالق مللتلر تشکیلاتیندا قئید اولونانلارین کوبود شکیلده پوزولماسی دئمکدیر.
مکتوبدا همین زاوودون تیکینتیسینین آوروپا اقتصادی کومیسیاسینین ترانس سرحد کونتئکستده اطراف موحیطه تأثیرین قیمتلندیریلمهسی کونوئنسییاسی (ائسپو کونوئنسییاسی) و سایر کونوئنسییالارا ضد اولدوغو قئید ائدیلیب.
سایین میکاییل بی اویتانین مکتوبونون اینگیلیسجه تام متنینی تقدیم ائدیریک:
