ادتاج اتحادیه دمکراتیک ترک آذربایجان جنوبی
گادتب-نین مطبوعات مرکزینه داخیل اولان معلوماتا گؤره، آوسترالییانین سیدنئی شهرینده ۱۹ ماییس آتاتورکو آنما، گنچلیک و اسپور بایرامی کئچیریلیب.
تدبیره رسمی دعوتله گونئی آذربایجان دئموکراتیک تورک بیرلیگی (گادتب) بئین الخالق علاقهلر دئپارتامئنتینین صدری، آوسترالییا آذربایجان آسوسیاسییاسینین پرئزیدئنتی سایین میکائیل بی اویتا قاتیلیب و تدبیرده چیخیش ائدیب.
سایین میکائیل بیین تدبیرده چیخیشینی تقدیم ائدیریک:
آخشامینیز خئییر.
دیرلی قوناقلار، عزیز گنجلر، حؤرمتلی دوستلار!
بو معنالی دعوته گؤره بیرینجی مئحمئت ائوین بیه و تورک اؤز درنه یینه تشکورومو بیلدیریرم.
بو گون بورادا — ۱۹ مای آتاتورکو آنما، گنجلیک و ایدمان بایرامی موناسیبتیله بیر آرایا گلمکدن بؤیوک غرور دویورام. ۱۹ مای ۱۹۱۹-جو ایل یالنیز بیر تاریخ دئییل؛ بیر میللتین یئنیدن دیرچه لیشینین، ایستیقلال ایرادهسینین و گنجلییه بسلنهن سونسوز اینامین سیموولودور.
اولو اؤندریمیز قاضی مصطفی کمال آتاتورکون سامسونا چیخاراق باشلاتدیغی او بؤیوک یوروش، اصلینده اومیدین و قطعیتین هئچ واخت مغلوب اولمایاجاغینی بوتون دونیایا گؤسترمیشدیر. آتاتورکون «بوتون اومیدیم گنجلیکدهدیر» سؤزو گنجلره حواله اولونموش ان بؤیوک مسولیتلردن بیریدیر.
بیزلر — ۵۵ میلیونلوق گونئیلی و قوزئیلی واحید آذربایجان تورکلری اولاراق بو روحو چوخ یاخشی آنلایان بیر میللتین اؤولادلاریییق. چونکی بیزیم تاریخیمیز ده ایستیقلال موباریزهسی، بیرلیک و قارداشلیق اوزرینده قورولموشدور. تورکیه ایله آذربایجان آراسینداکی «بیر میللت، ایکی دؤولت» آنلاییشی دا بو اورتاق روحون ان گوجلو ایفادهسیدیر.
بو گون گنجلرین اوزرینه دوشن وظیفه یالنیز کئچمیشی آنماق دئییل، عینی زاماندا گله جه یی داها گوجلو، داها عدالتلی و داها شعورلو شکیلده قورماقدیر. ایدمان، تحصیل، علم و مدنیت واسطهسیله اؤزوموزو اینکیشاف ائتدیرهرک هم اؤلکهلریمیزه، هم ده بشریته تحفه وئرمک بیزیم ان بؤیوک مسئولیتیمیزدیر.
بو علامتدار گونده باشدا قاضی مصطفی کمال آتاتورک اولماقلا بوتون میللی موباریزه قهرهمانلارینی حؤرمت، رحمت و میننتدارلیقلا یاد ائدیرهم. گنجلیگین ائنئرژیسینین و اومیدینین هئچ زامان توکهنمهمهسینی آرزولاییرام.
هامینیزا تشکور ائدیر، بایرامینیزی ان صمیمی آرزولاریملا تبریک ائدیرهم.
یاشاسین تورک دؤولتلری!
یاشاسین توران!
ویدئو:
