ادتاج اتحادیه دمکراتیک ترک آذربایجان جنوبی
گادتب-نین مطبوعات مرکزینه داخیل اولان معلوماتا گؤره، آوسترالیا آذربایجان آسوسیاسیاسینین پرئزیدئنتی، گونئی آذربایجان دئموکراتیک تورک بیرلیگی‌نین (گادتب) بئین الخالق علاقه‌لر دئپارتامئنتی‌نین صدری سایین میکائیل بی اویتا آوسترالیا دایره‌لرینده یانلیش تبلیغات نتیجه‌سینده ایران آدلانان یئرده آذربایجان تورک میللتی‌نین مؤوجودلوغونون اینکار ائدیلمه‌سینه توخونا‌راق، آوسترالیا دؤولتینه رسمی مکتوبلا مراجعت ائدیب و ایران آدلانان اؤلکه‌ده 40 میلیون آذربایجان تورکونون اولماسی و اونلارین حقوق‌لارینین نظره آلینما‌لی اولدوغوبو خاطیرلادیب.
سایین میکائیل بی مکتوبوندا ایران آدلانان یئرده آذربایجان تورک‌لری‌نین اؤز یوردلاریندا اؤز دیل‌لرینده تحصیل حقوقون‌دان محروم ائدیلدیگی و آیری-سئچکی‌لییه معروض قالدیغینی دقته چاتدیریب.
مکتوبدا همچینین آذربایجان تورک‌لری ده داخیل اولماقلا غیری-فارس‌لارین بوتون حقوق‌لارین‌دان محروم ائدیلمه‌سی، ایران آدلانان یئرده موللا رئژیمینه قارشی اعتراضلارین کئچیریلمه‌سی و همین اعتراضلارین زوراکیلیقلا یاتیریلماسی، قادین‌لارین حقوقونون تاپدانماسی و سایر مسئله‌لر قئید ائدیلیب.
مکتوبون اینگیلیسجه تام متنینی تقدیم ائدیریک:
