ادتاج اتحادیه دمکراتیک ترک آذربایجان جنوبی
گادتب-نین مطبوعات مرکزینه داخیل اولان معلوماتا گؤره، بو گون 2022-جو ایل دئکابر آیینین 20-ده آوسترالیا-آذربایجان آسوسیاسییاسی پرئزیدئنتی و گونئی آذربایجان دئموکراتیک تورک بیرلیگی (گادتب) بئین الخالق علاقه‌لر دئپارتامئنتی‌نین صدری سایین میکائیل بی اویتا آوسترالیا دؤولتی‌نین دعوتیله آوسترالیا فئدئرال دؤولتی‌نین تشکیل ائتدیگی گالیپولی ساواشی و اونونلا باغلی آبیده‌نین زیارتی مراسیمینه قاتیلیب.
سایین میکاییل بی آوسترالیانین یئنی گونئی اوئلز (NSW) ایالتی دؤولئتی و شخصاً دئنیس مووره-نین دعوتیله بو تدبیره قاتیلیب. تدبیره آوسترالیا فئدئرال دؤولتی‌نین و یئنی گونئی اوئلز ایالتی‌نین رسمی‌لری، میللت وکیل‌لری، نیوزیلند اؤلکه‌سی‌نین تمثیل‌چی‌سی، ائله‌جه ده تورکیه‌نین سیدنئی‌ده کی باش کوسولو جناب علی سئویم و دیگر قوناق‌لار قاتیلمیش‌لار.
قئید ائدک کی، بیرینجی دونیا ساواشیندا 1918-جی ایلده گالیپولیده تورکیه غالیب گلیب. خصوصیله چاناققالا ساواشیندا تورکون بوتون دونیایا غالیب گلمه‌سی بوتون تورک دونیاسینین غرور منبعینه چئوریلمیشدی.
تدبیردن شکیل‌لری تقدیم ائدیریک:
