ادتاج اتحادیه دمکراتیک ترک آذربایجان جنوبی
گادتب-نین مطبوعات مرکزینه داخیل اولان معلوماتا گؤره، آوسترالییا آذربایجان آسوسیاسییاسینین پرئزیدئنتی، گونئی آذربایجان دئموکراتیک تورک بیرلیگینین (گادتب) بئین الخالق علاقهلر دئپارتامئنتینین صدری سایین میکائیل بی اویتا گؤروش زامانی آوسترالییالی قوجامان سیاستی فیلیپ ماکسول رودوکا ایرانین گونئی آذربایجاندا تؤرتدیگی ائکولوژی فلاکت، ائلهجه ده اورمییا گؤلونون قورودولماسی مسئلهسی بارهده بیلگی وئریب.
آوسترالییالی قوجامان سیاستچی فیلیپ ماکسول رودوک ایسه اؤز نؤوبهسینده اورمییا گؤلو و عمومیتله گونئی آذربایجاندا ایرانین تؤرتدیگی ائکولوژی فلاکت بارهده ایلگیلی سیاستچیلرله مذاکیرهلر آپاراجاغینا سؤز وئریب.
قئید ائدک کی، حؤرمتلی فیلیپ ماکسول رودوک آوسترالییانین کئچمیش عدالت ناظری اولوب، داها سونرا بلدییه باشقانی اولوب و عمومیتله اوزون مدت آوسترالییادا سیاست عالمینده اولوب. او، آوسترالییا-آذربایجان آسوسیاسییاسینین اوفیسینده اولوب و میکائیل بیله گؤروشوب، مذاکیرهلر آپارمیشدیر. سایین میکائیل بیله اوزون مدتدن بری فیکیر مبادیلهسی آپاران سیاستچی، میکائیل بیین خواهیشی ایله چوخ سایدا آزربایجانلینین اوتوروم پروبلئمینه یاردیمچی اولوب.
