ادتاج اتحادیه دمکراتیک ترک آذربایجان جنوبی
گادتب-نین مطبوعات مرکزینه داخیل اولان معلوماتا گؤره، آوسترالییا-آذربایجان آسوسیاسییاسینین پرئزیدئنتی، گونئی آذربایجان دئموکراتیک تورک بیرلیگی بئین الخالق علاقه‌لر دئپارتامئنتینین صدری سایین میکائیل بی اویتا ایستانبول-سیدنئی و عکسینه هاوا ختتینین قارشیلاما و آچیلیش مراسیمینه دعوتله قاتیلیب.
دونندن اعتباراً تورک هاوا یوللارینین ایلک رئیسی سیدئنیه ائنیب. آویاشیرکت هفته‌ده دؤرد رئیسله مینلرله سرنیشینی سیدنئی‌دن ایستانبولا و عکسینه داشییاجاق.
آچیلیش مراسیمینه آوسترالییا دؤولت طرفین‌دن و تورک هاوا یوللاری طرفین‌دن رسمی دعوتله چوخ سایدا قوناق و رسمیلر قاتیلمیشلار. تورکیه‌نین بؤیوک ائلچی‌سی و سیدنئی‌ده تورکیه‌نین باش کونسولو ایشتیراک ائتمیشدیلر. همچینین مراسیم‌ده یئرلی آبوریگئن تمثیل‌چی، یئنی گونئی اوئلز ایالتی دؤولت تمثیل‌چی‌سی و سیدنئی بئین الخالق هاوا لیمانینین مودیری و تورکیه‌دن بو اوچاقلا گلن بوتون ائکیپ آچیلیش‌دا ایشتیراک ائتدیلئر. مراسیمین رسمی آچیلیشی سیدنئی هاوالیمانین‌دا باش توتدو و سونرا خصوصی سئچیلمیش قوناقلار بیر هتل‌ده آخشام یئمه یی، موزیک و ایله‌نجه‌ده ایشتیراک ائدیبلر.
رئیسین آچیلیشی تورکیه، آذربایجان، قیبریس، اویغور و سایر تورکلرین بؤیوک سئوینجینه سبب اولوب.
