ادتاج اتحادیه دمکراتیک ترک آذربایجان جنوبی
گادتب: آوسترالییا آذربایجان آسوسیاسینین پرئزیدئنتی، گونئی آذربایجان دئموکراتیک تورک بیرلیگینین (گادتب) بئین الخالق علاقهلر دئپارتامئنتینین صدری سایین میکائیل بی اویتا سیدنئیه گلن تورکیهلی میللت وکیلی سایین سرکان بایراملا گؤروشه قاتیلیب.
سایین میکائیل بی گؤروش بارهده اؤز تأثوراتینی بؤلوشرکن دئییب: آوسترالییا سفری زامانی سیدنئی شهرینده باش توتان گؤروشوموزدن بؤیوک ممنونلوق دویدوق. اونون حیات حکایهسینی عکس ائتدیرن فیلمین سیدنئیده نوماییشی تدبیر ایشتیراکچیلاری طرفیندن بؤیوک ماراق و رغبتله قارشیلاندی.
سرکان بیین حیات یولو عزم، ایراده و موباریزهنین ان گؤزل نومونهلریندن بیریدیر. قارشیلاشدیغی چتینلیکلره باخمایاراق گئری چکیلمهدن تورکیهده بؤیوک اوغورلار الده ائتمهسی و دؤولت سوییهسینه قدر یوکسلمهسی بیر چوخ اینسان اوچون ایلهام منبییدیر.
خصوصیله فیزیکی محدودیتله یاشایان اینسانلارا وئردیگی اومید، گوج و موتیواسییا جمعیت طرفیندن یوکسک قیمتلندیریلیر. سیدنئیده حؤرمتلی سرکان بیله کئچیریلهن بو گؤروش آذربایجان و تورک ایجماسی اوچون اونودولماز و دیرلی بیر آن اولدو.
گؤروشله باغلی شکیل و ویدئولار:
