ادتاج اتحادیه دمکراتیک ترک آذربایجان جنوبی
گادتب: ۱۸ اوکتیابر ۲۰۲۴-جو ایل تاریخین‌ده نوروئچ کراللیغینین اوسلو شهرین‌ده لیتتئراتورهوست مرکزین‌ده آذربایجان رئسپوبلیکاسی «گنج پولیتولوقلار مرکزی» و نوروئچده فعالیت گؤستر‌ن «جان» دیاسپور تشکیلاتینین بیرگه تشکیلاتچی‌لیغی ایله “COP29: Our Green Legacy For the Future” لاییحه‌سی حیاتا کئچیریلدی.
آچیلیش نیطقی ایله چیخیش ائد‌ن «جان» تشکیلاتینین صدری شئروین نجفپور تدبیرده ایشتراک ائد‌ن ۱۱ سفیر و دیپلوماتیک نماینده‌لری و دیگر قوناقلاری سلاملایاراق ایشتیراک ائتدیکلری اوچون اونلارا اؤز میننتدارلیغینی بیلدیردی.
داها سونرا، «گنج پولیتولوقلار مرکزی»نین صدری ایلکین علیئو قوناقلاری سلاملایاراق لاییحه‌نین عرصه‌یه گلمه‌سین‌ده گؤستریله‌ن مالییه دسته یینه گؤره آذربایجان رئسپوبلیکاسی گنجلر فوندونا اؤز تشکورونو بیلدیردی. عللیئو تدبیرین محض بو تاریخ‌ده کئچیریلمه‌سینین تصادف اولمادیغینی، ۱۸ اوکتیابر تاریخینین آذربایجان رئسپوبلیکاسینین موستقیللگیینین برپاسی گونو اولدوغونو دقته چاتدیردی.
تدبیره آوسترالییا آذربایجان آسوسیاسییاسینین پرئزیدئنتی، گونئی آذربایجان دئموکراتیک تورک بیرلیگینین (گادتب) بئین الخالق علاقه‌لر دئپارتامئنتینین صدری سایین میکاییل بی اویتا، گونئی آذربایجان دئموکراتیک تورک بیرلیگینین (گادتب) تشکیلات رهبری سایین آتا بی نجفپور دا قاتیلیبلار.
بو گونو قئید ائتمک اوچون، بدیعی حیسه اونودولماز آکوستیک موسیقی تأسوراتی ایله نوروئچین تروندهئیم شهرین‌ده دوغولان آذربایجان اصیل‌لی موسیقی‌چی ماریا ساهبا و گیتاریست آلئکساندئر سژؤلیئ ایله آچیل‌دی.
بدیعی حیسه‌دن سونرا چیخیش اوچون نوروئچین ائکولوگییا و اطراف موحیط ناظیرلیگینین سیاسی موشاویری کریستوففئر آندره هانسئن چیخیش ائد‌رک ایکی هفته اؤنجه پرئ-کوپ۲۹ تدبیری ایله باغلی باکی سفری ایله باغلی تأسوراتلارینی بؤلوشه‌رک کوپ۲۹ باکی‌دا یوکسک سووییه‌ده حاضرلیق ایشلرینین گؤرولمه‌سی حاقین‌دا قوناقلارا معلومات وئردی. ناظیرلیگین سؤزچوسو همچینین سفر زامانی آذربایجان رئسپوبلیکاسینین ائکولوگییا و طبیعی ثروتلر ناظری موختار بابایئوله گؤروشون‌دن بحث ائتدی.
جنوبی آفریکا رئسپوبلیکاسین‌دان تئمبئکیلئ ماندئلا فوندونون یارادیجی‌سی و باش دیرئکتورو ندیلئکا ماندئلا (نئلسون ماندئلانین نوه‌سی) تدبیره ویدئوموراجیت ائد‌رک ائکولوگییانین قورونماسینین گله‌جک نسیللره اؤتورولمه‌سی و بیرگه فعالیت حاقین‌دا ضروری آددیملارین آتیلماسینین موطلق اولدوغونو قوناقلارین نظرینه چاتدیردی.
تدبیرین ایسپونسورو اولان نوروئچین «پورئ نوردیج-Norwegian water» شیرکتی طرفین‌دن قوناقلارا پرئمیوم محصوللار تقدیم ائدیله‌رک، سویون بشریت اوچون واجیبلیگینی بیر داها وورغولایان ویدئوچارخ تقدیم ائدیلدی.
دونیانین ایکینجی دوز گؤلو اولاراق تانینان، اورمو گؤلونون ائکوسیستئم اوچون اؤنمینی وورغولایان «آوسترالییا-آذربایجان» آسوسیاسییاسینین پرئزیدئنتی میکاییل اویتا و یاپونییادا یاشایان عالیم خلیل کلنتر گؤلون قوروماسینین اطراف اؤلکه‌لره منفی تأثیرین‌دن، ائله‌جه ده بو پروسئسین قارشی‌سینین آلینماسی اوچون آتیلماسی ضروزی اولان آددیملاری تقدیمات واسطه‌سی ایله قوناقلارین دقتینه چاتدیردیلار.
تورکیه‌ده فعالیت گؤستره‌ن آذربایجان‌لی ژورنالیست نیگار ایبراهیمووا تدبیرده چیخیش ائد‌رک مئدیانین ائکولوگییانین قورونماسین‌دا رولو و بو حاق‌دا اؤز تجروبه‌لرینی و فیکیرلرینی قوناقلارلا بؤلوشه‌رک، دونیا مئدیاسین‌دا کوپ-۲۹ آ قارشی آتیلان قارایاخما کامپانییاسی و نوروئچ کراللیغینین باش ناظرینین سؤزوگئدن تدبیرده ایشتیراک ائتمک‌دن ایمتینا ائتمه‌سی باره‌ده معلومات وئردی.
نوروئچین سوسیالیست سولچولار پارتییاسینین عضوو ماحمود آهماد تدبیرده چیخیش ائد‌رک اینسان حاقلاری باره‌ده معلومات وئردی و ائکولوژی فعالیت زامانی سیاسی فعالیتین مؤوضویا آلت ائدیلمه‌مه‌سینین واجیبلیگینی بیر داها خاطیرلاتدی.
تدبیرین یئکونون‌دا شئروین نجفپور قوناقلارا اؤز میننتدارلیغینی بیلدیره‌رک نؤوبتی آی اؤلکه‌میزده کئچیریله‌جک کوپ-۲۹ تدبیرینه اوغورلار آرزولایاراق تدبیری یئکونلاشدیردی.
قئید ائدک کی، سایین میکائیل بی اویتا نوروئچ‌لی بیر قاتیلیمجینین آذربایجانا قارشی حاق‌سیز تنقیدلرینه کسکین جاواب وئره‌رک، اونو یئرین‌ده اوتورتموش‌دور. سایین میکائیل بیین بو یئرین‌ده جاوابی نوروئچده یایین‌لانان تئلئویزییادا دا عکس ائتدیریلمیش‌دیر.
