ادتاج اتحادیه دمکراتیک ترک آذربایجان جنوبی
گادتب-نین مطبوعات مرکزینه داخیل اولان معلوماتا گؤره، آوسترالیا آذربایجان آسوسیاسیاسینین پرئزیدئنتی، گونئی آذربایجان دئموکراتیک تورک بیرلیگینین (گادتب) بئین الخالق علاقهلر دئپارتامئنتینین صدری سایین میکائیل بی اویتا خوجالیدا ائرمنیلرین آذربایجانلیلارا قارشی تؤرتدیگی سویقیریمین ایل دؤنومو ایله باغلی آوسترالییانین خاریجی ایشلر ناظری پئننی وونگا مکتوبلا مراجعت ائدهرک، بو دهشتلی سویقیریم بارهده معلومات وئرمیشدی.
سایین میکائیل بی آوسترالیالی ناظره ائرمنیلرین آزربایجانین خوجالی شهرینه 1992-جی ایلین فئورالیندا هجوم ائدیب، شهری یئر اوزوندن سیلمکله دهشتلی سویقیریم تؤرتدیگی، ائرمنیستانین اؤز متفقلری- روسیا، ایران، سوریا و پ ک ک تئررور تشکیلاتینین کمکینه آرخالاناراق صلح سازیشینی رد ائتدیگی و سایر مسئلهلر بارهده معلومات وئریب .
سایین اویتا مکتوبونون سونوندا بشریته قارشی تؤرهدیلن جینایتلرین تانینماماسینین یئنی جینایتهلره یول آچاجاغینی خاطیرلادارق، آوسترالیا دؤولتینی خوجالی سویقیریمینی تانینماغا چاغیریب.
سایین میکاییل بیین مکتوبونون اینگیلیسجه تام متنینی تقدیم ائدیریک:
