ادتاج اتحادیه دمکراتیک ترک آذربایجان جنوبی
گادتب-نین مطبوعات مرکزینه داخیل اولان معلوماتا گؤره، آوسترالییا آذربایجان آسوسیاسییاسینین پرئزیدئنتی، گونئی آذربایجان دئموکراتیک تورک بیرلیگینین (گادتب) بئینا لخالق علاقه‌لر دئپارتامئنتینین صدری سایین میکائیل بی اویتا رسمی دعوتله سیدنئی‌ده موتتفیق دؤولتلرین عثمانلییا مغلوب اولماسینین ۱۰۹-جو ایلدؤنومو موناسیبتیله کئچیریله‌ن تدبیرینه قاتیلیب.
تدبیرده همین محاربه‌ده هلاک اولانلارین خاطره‌سی آنیلیب. آنیم تدبیرینه کئچمیش ژنرال دئنیس مورئ، آوسترالییادا چارلز شاهین نماینده‌سی حؤرمت‌لی سامانتا خانیم موستین، تورکیه‌نین باش کونسولو، تورکیه‌نین بؤیوک ائلچیلیگینین تمثیل‌چیلری ده همین تدبیره قاتیلیبلار. تدبیرده چوخ سایدا ژنرال و وئتئرانلار دا ایشتیراک ائدیبلر.
قئید ائدک کی، ۲۰ دئکابر ۱۹۱۵-جی ایلده چاناققالادا تورک اوردوسونو کئچه بیلمه‌یه‌رک مغلوب اولان اینگیلیس-آنزاک قوه‌لری آنافارتالار و آریبورنو بؤلگه‌سینی بوشالدیب. موتتفیق قوه‌لرین ۹ یانوار ۱۹۱۶-جی ایلده سدالباهیر بؤلگه‌سین‌دن چکیلمه‌سیله چاناققالادا تورکیه اوردوسونون ظفری تصدیقلندی.
