ادتاج اتحادیه دمکراتیک ترک آذربایجان جنوبی
گادتب-نین مطبوعات مرکزینه داخیل اولان معلوماتا گؤره، آپرئلین ۵-ده گونئی آذربایجان دئموکراتیک تورک بیرلیگی (گادتب) بئین الخالق علاقهلر دئپارتامئنتینین صدری، آوسترالییا آذربایجان آسوسیاسییاسینین پرئزیدئنتی سایین میکائیل بی اویتا و گونئی آذربایجان دئموکراتیک تورک بیرلیگی (گادتب) قادین و اینسان حاقلاری دئپارتامئنتینین صدری سایین سارا خانیم آذرسون رسمی دعوتله قوزئی قیبریس تورک جمهوریتی ایله باغلی تدبیره قاتیلیبلار.
تدبیر قوزئی قیبریس تورک جمهوریتیندن گلن تانینمیش صنعتچی، آرتیست، موسیقیچی و گئییم مودئلچیسی سایین عبدالله اؤز توپراکین تئاتر ایجراسیندان عبارت ایدی.
سایین عبدالله اؤز توپراک تئاتر صحنهسینده قوزئی قیبریس تورک جمهوریتینده ۱۹۷۴-ده یونانلارین تؤرتدیگی جینایتلری و تورک میللتی ایله باغلی گئرچکلیکلری نوماییش ائتدیرمیشدیر. او اؤز ایفاسی ایله اوشاقلیق دؤورونده شاهید اولدوغو آجیناجاقلی حادثهلرین تأثیری آلتیندا اولدوغونو گؤستردی.
تئاتر حقیقتلرین بیر حیسهسینی نوماییش ائتدیرمکله ایشتیراکچیلاری جدی شکیلده ائتکیلهدی.
تدبیره آوسترالییانین کئچمیش مهاجیرت ناظری سایین فیلیپ روداک، بلدییه باشقانی، یئنی گونئی اوئلز ایالتینین مولتیکولتورال ناظیرلیگینین تمثیلچیسی، تاتار آسوسییاسی، یئنی گونئی اوئلز ایالتی تورک آسوسییاسی، تورکییهنین سیدنئیدهکی باش کونسولو سایین بلگین خانیم ارگونش و قوزئی قیبریس تورک جمهوریتی یئنی گونئی اوئلز ایالتی فخری کونسوللوغو تمثیلچیسی سایین ایلکای یوسوف بی ده ایشتیراک ائتمیشدیلر.
سونوندا تاتارلار، قوزئی قیبریس تورک جمهوریتی، تورکییه و آذربایجان بایراقلاری ایله شکیللر چکیلدی.
