ادتاج اتحادیه دمکراتیک ترک آذربایجان جنوبی
گادتب: بو گون آوسترالییانین یئنی گونئی اوئلز ((NSW ایالتینین پارلامئنتینده افطار مراسیمی اولوب. مراسیم تورکیه، قوزئی کیپریس تورک جمهوریتی و آوسترالییا آذربایجان آسوسییاسینین بیرلیکده ایشتیراکی ایله تشکیل اولونوب.
بو افطار مراسیمینه آوسترالییا آذربایجان آسوسییاسیندان سایین میکائیل اویتا و سارا خانیم آذرسون، ائله جه ده دیگر قوناقلار، او جملهدن پروفسور دوکتور شمی نجادی، دؤکتور مهدی رسول، قوزئی کیپریس تورک جمهوریتی فخری کونسولو، حؤرمتلی ایلکای یوسوف، ک ک ت ج آسوسییاسینین پرئزیدئنتی موگه خانیم هوداوئردی، NSW ایالتینین باش ناظری سایین کریس میننس، تورکیهنین سفیری سایین اوفوک گئزئر و تورکیهنین NSW ایالتیندهکی باش کونسولو و دیپلوماتلاری، NSW و ویکتورییا ایالئتینین میللت وکیللری و NSW ایالتینین پاراماتا و آوبورن بلدییه باشقانلاری، تورکیهنین موسیاد تشکیلاتینین NSW ایالت باشقانی و موسیادین آوسترالییا باشقانی و دیگر سیاستچیلر ده بو تدبیرده ایشتیراک ائتمیشدیلر.
