ادتاج اتحادیه دمکراتیک ترک آذربایجان جنوبی
گادتب-نین مطبوعات مرکزینه داخیل اولان معلوماتا گؤره، آوسترالییا آذربایجان آسوسیاسییاسینین پرئزیدئنتی، گونئی آذربایجان دئموکراتیک تورک بیرلیگینین (گادتب) بئین الخالق علاقه‌لر دئپارتامئنتینین صدری سایین میکائیل بی اویتا و گونئی آذربایجان دئموکراتیک تورک بیرلیگینین (گادتب) قادین و اینسان حاقلاری دئپارتامئنتینین صدری سارا خانیم آذرسون رسمی دعوتله قاضی مصطفی کمال آتاتورکون آنیم مراسیمینه قاتیلیبلار.
نویابرین ۱۰-دا آوسترالییانین سیدنئی شهرین‌ده کئچیریلن همین تدبیر آتما تشکیلاتی و سیدنئی تورک آسوسیاسییاسی طرفین‌دن تشکیل اولونموش‌دور.
تدبیرده همچینین تورکییه‌نین یئنی گونئی اوئلز (NSW) ایالتین‌ده‌کی باش کونسولو حؤرمت‌لی علی سئویم، ائییتیم و کولتور آتئشئسی دؤکتور جئم گئنچ اوغلو و یئنی گونئی اوئلز ایالتینین مولتیکولتورال ناظیرلیگینین تمثیل‌چیسی و سایر قوناقلار ایشتیراک ائد‌رک چیخیش ائدیبلر.
تدبیردن شکیللری تقدیم ائدیریک:
