ادتاج اتحادیه دمکراتیک ترک آذربایجان جنوبی
گادتب: گونئی آذربایجان دئموکراتیک تورک بیرلیگی (گادتب) بئین الخالق علاقهلر دئپارتامئنتینین صدری، آوسترالییا آذربایجان آسوسیاسییاسینین پرئزیدئنتی سایین میکائیل بی اویتا و گونئی آذربایجان دئموکراتیک تورک بیرلیگی (گادتب) اینسان حاقلاری دئپارتامئنتینین صدری سایین سارا خانیم آذرسون تورکیهنین جمهوریت بایرامی تدبیرلرینه قاتیلیبلار.
اوکتیابرین ۲۹-دا تورکیهنین جمهوریت بایرامینین ۱۰۲-جی ایلدؤنومو موناسیبتیله تورکیهنین آوسترالییاداکی کانبئرا سفیرلیگی طرفیندن رسمی تدبیر تشکیل اولونموشدور. همین گون آخشام ایسه سیدنئی شهرینده تورکیهنین باش کونسوللوغو طرفیندن آنالوژی رسمی قبول کئچیریلمیشدیر.
گونئی آذربایجان دئموکراتیک تورک بیرلیگینین نمایندهلری میکائیل بی اویتا و سارا خانیم آذرسون هر ایکی بایرام تدبیرینده ایشتیراک ائتمیشلر.
کانبئرا شهرینده کئچیریلهن مراسیمده آوسترالییانین پایتاختیندان چوخ سایلی سفیرلر، دؤولت نمایندهلری و دیپلوماتلار ایشتیراک ائتمیشلر. عینی زاماندا، تورکیهنین باش کونسولو حؤرمتلی بئلگین خانیم ارگونئشین دعوتی ایله بیر چوخ دیپلوماتلار، دؤولت رسمیلری و تورک تشکیلاتلارینین رهبرلری و گادتب-نین تئمثیلچیلری میکائیل بی اویتا و سارا خانیم آذرسون دا سیدنئی شهرینده کئچیریلن رسمی تدبیرده ایشتیراک ائتمیشلر.
