ادتاج اتحادیه دمکراتیک ترک آذربایجان جنوبی
گادتب: ۲۳ آپرئل اوشاقلار گونو موناسیبتیله آوسترالییانین سیدنئی شهرینده تورک اؤز تشکیلاتی طرفیندن تدبیر تشکیل اولونموشدور. تدبیرده آوسترالییا آذربایجان آسوسیاسییاسی پرئزیدئنتی و گادتب بئین الخالق علاقهلر دئپارتامئنتینین صدری سایین میکائیل بی اویتا، گونئی آذربایجان دئموکراتیک تورک بیرلیگینین (گادتب) اینسان حاقلاری دئپارتامئنتینین صدری سایین سارا خانیم آذرسون، ائلهجه ده شیمالی کیپر تورک جمهوریتینین فخری کونسولو ایلکای یوسوف، تورکیهنین باش کونسوللوغونون نمایندهسی پروفسور دوکتور جئم گئنچ، تورک آتتاشئسی، همچینین آوسترالییانین یئرلی آبوریگئن ایجماسینین نمایندهسی، بوسنییا، قیرغیزیستان، اوکراینا، جنوبی کورئیا، ویئتنام، هیندیستان و دیگر ایجمالارین رهبرلری ایشتیراک ائتمیشلر.
آذربایجان میللی گئییمی و آذربایجان بایراقلاری تدبیرده یوکسک سوییهده نوماییش ائتدیریلدی.
سایین میکائیل بی اویتا تدبیرده چیخیش ائتمیشدیر. چیخیشین متنینی تقدیم ائدیریک:
حؤرمتلی قوناقلار، ده یرلی ایجما لیدئرلری،
تورکییه رئسپوبلیکاسینین باش کونسوللوغونون نمایندهلری، حؤرمتلی پروفسور دؤکتور جئم گئنچ تورک،
عزیز تشکیلاتچیلار – تورک اؤز محمت ائوین و امه یی کئچهن هر کس،
حؤرمتلی عائلهلر و عزیز اوشاقلار،
آوسترالییا آذربایجانلیلاری آسوسیاسییاسی آدیندان بو گون بو خصوصی و معنالی تدبیرده سیزینله بیرلیکده اولماقدان بؤیوک غرور دویورام.
بؤیوک لیدئر مصطفی کمال آتاتورک ۲۳ آپرئل – میللی سووئرئنلیک و اوشاق بایرامینی اوشاقلارا، یعنی هر بیر میللتین گله جه یینه حصر ائتمیشدیر. بو ده یرلی باخیش بیزه خاطیرلادیر کی، اوشاقلارا قویولان سرمایه داها ایشیقلی و صلح دولو بیر گلهجهیه قویولان سرمایهدیر.
بو گون یالنیز سئوینجین، مدنیتین و بیرلیگین بایرامی دئییل، عینی زاماندا گلهجک نسلی یئتیشدیرمک، دستکلهمک و اونلارا ایلهام وئرمک مسئولیتیمیزی ده خاطیرلادان بیر گوندور.
بو گؤزل تدبیری تشکیل ائدرک ایجمالاریمیزی بیر آرایا گتیرهن و اوشاقلاریمیز اوچون بئله اونودولماز بیر گون یارادان بوتون تشکیلاتچیلارا تشکور ائدیریک.
عزیز اوشاقلار، بو گون سیزین گونونوزدور. سیز بیزیم اومیدیمیز، غروروموز و گله جه ییمیزسینیز. آرزو ائدیرهم کی، حیاتینیز خوشبختلیک، اوغور و صلح ایله دولو اولسون.
هامینیزا تشکور ائدیرهم، ۲۳ آپرئل میللی سووئرئنلیک و اوشاق بایرامینیز موبارک!
نه موتلو تورکوم دئیهنه!
ویدئولار:
