ادتاج اتحادیه دمکراتیک ترک آذربایجان جنوبی
گادتب-نین مطبوعات مرکزینه داخیل اولان معلوماتا گؤره، بو گون آوسترالییانین سیدنئی شهرین‌ده ۳۰ آوقوست- تورکیه‌نین ظفر بایرامی موناسیبتیله تدبیر کئچیریلیب.
گونئی آذربایجان دئموکراتیک تورک بیرلیگی (گادتب) بئین الخالق علاقه‌لر دئپارتامئنتینین صدری، آوسترالییا آذربایجان آسوسیاسییاسینین پرئزیدئنتی سایین میکائیل بی اویتا تدبیره دعوتله قاتیلاراق چیخیش ائتمیش‌دیر.
سایین میکائیل بی اویتانین چیخیشینی تقدیم ائدیریک:
گون اورتانیز خئییر، خانیملار و جنابلار، حؤرمتلی قوناقلار،
هامینیزا، خوش گلدین دئییب خصوصیله تورکیه‌نین باش کونسولو، حؤرمتلی علی سئویمه، شیمالی کیپر تورک جمهوریتینین فخری کونسولو، ایلکای یوسوف بی، تحصیل آتاشئ‌سی دوسئنت دوکتور جئم گئنچ اوغلو، حؤرمتلی لیندا وولتز م پ، مجلیس عضوو گلن ائلمورئ، معاریف وقفی نماینده‌سی جناب نجمی اوزون، کومبئرلاند رسل سوب-براچ‌دان جناب گرئگ رئاد’آ تشککور ائدیر‌م.
من آوسترالییا آذربایجان‌لیلاری آسوسیاسییاسینین پرئزیدئنتی و گونئی آذربایجان دئموکراتیک تورک بیرلیگینین بئین الخالق علاقه‌لر اوزره رهبری میکاییل اویتایام.
بیز بو گون بورادا ۳۰ آوقوست، ظفر بایرامینی قئید ائتمک اوچون توپلاشمیشیق؛ بو، تورکیه‌نین موستقیل‌لیک مباریزه‌سین‌ده خصوصی بیر آنی‌دیر. بو ظفر ساده‌جه حربی بیر اوغور دئییل، هم ده تورک میللتینین آزادلیق و موستقیل‌لییه اولان سئوگی‌سینین تجسسومودور.
مصطفی کمال آتاتورکون رهبرلیگی آلتین‌دا، بو مباریزه دونیایا گؤستردی کی، تورک خالقی اسارته هئچ واخت بویون ایمز و اؤز طالعیینی اؤزلری معین ائدر.
بؤیوک ظفر تورکیه جمهوریتینین تمللرینی قویدو و موستقیل‌لییه دوغرو موهوم بیر آددیم اولدو.
بو اهمیت‌لی ۱۰۲-جی ایلدؤنومون‌ده، بیزیم ان بؤیوک مسئولیتیمیز اونلارین مراسینی قوروماق و تورکیه جمهوریتینی اینکیشاف ائتدیرمک‌دیر. بو گون مصطفی کمال آتاتورکه دئمک ایستییرم کی، “بو گون ۵۵ میلیون آذربایجان‌لی تورک سیزین عسگرینیزدیر،” و بوتون تورک دؤولتلری، بیرلیک‌ده بیر اوردو اولاراق توران‌دا بیرلشه‌جک‌دیر، همچینین شیمالی کیپر و ایران‌دا اولان ۴۰ میلیون جنوبی آذربایجان بو بیرلیگیه قوشولاجاق‌دیر.
ظفر بایرامینیز موبارک اولسون!
نه موتلو تورکم دئینه!
