ادتاج اتحادیه دمکراتیک ترک آذربایجان جنوبی
گادتب-نین مطبوعات مرکزینه داخیل اولان معلوماتا گؤره، آوسترالیا-آذربایجان آسوسیاسیاسی پرئزیدئنتی و گونئی آذربایجان دئموکراتیک تورک بیرلیگینین (گادتب) بئین الخالق علاقهلر دئپارتامئنتینین صدری سایین میکاییل بی اویتا اوکتیابر آیینین 28-ده تورکیهنین جمهوریت بایرامی موناسیبتیله کانبئرا و سیدنئیده تشکیل اولونان تدبیرلره دعوت اولونوب و تدبیرده ایشتیراک ائتمیشدیر.
تورکیه جمهوریتینین 99-جی جمهوریت بایرامی تدبیرلری آوسترالیادا تورکیهنین بؤیوک ائلچیلیگینده کانبئرادا سایین کورهان کاراکوچون تشکیلاتچیلیغی ایله یئرلی واختلا ساعت 13.00-دا و سیدنئی شهرینده تورکیهنین باش کونسوللوغوندا ساعت 18.00-دا کئچیریلدی.
کانبئرادا تورکیهنین بؤیوک ائلچیلیگینده چوخلو اؤلکه لرین سفیرلری و آوسترالیا فئدئرال پارلامئنتینین بیر نئچه سئناتورو و آزربایجانین کانبئرادا سفیرلیگینین تمثیلچیسی حؤرمتلی رامیل قوربانوو دا ایشتیراک ائتمیشدیلر .
سیدنئی شهرینده تورکیهنین باش کونسولو سایین علی سئویمین تشببوتوثو ایله کئچیریلن تدبیرده چوخلو باش کونسوللار، یئنی گونئی اوئلز (NSW) پارلامئنتینین میللت وکیلری ده قاتیلمیشلار.
تدبیردن بیر نئچه شکلی تقدیم ائدیریک:
