ادتاج اتحادیه دمکراتیک ترک آذربایجان جنوبی
گادتب-نین مطبوعات مرکزینه داخیل اولان معلوماتا گؤره، آوسترالیا-آذربایجان آسوساسیاسی پرئزیدئنتی، گونئی آذربایجان دئموکراتیک تورک بیرلیگی (گادتب) بئین الخالق علاقهلر دئپارتامئنتی صدری سایین میکاییل بی اویتا آوسترالیانین یئنی گونئی اوئلز (NSW) ایالتینین ائرمنی اصیللی باش ناظری گلادیس بئرئژیکلیانین اوزدن ایراق “کیپیره عدالت” آدی آلتیندا یایدیغی غرضلی بیاناتا اعتراض مکتوبو عنوانلاییب.
ائرمنی باش ناظرین غرضلی بیاناتی ‘گرئئک هئرالد و “نئو کوسموس” داخیل اولماقلا مئدیا اورقانلاری طرفیندن یایینلانیب.
تورکیه و آذربایجانا قارشی دوشمن موقعده اولان بئرئژیکلیان آزربایجانین قاراباغ بؤلگهسینی ده “آرساخ” آدی ایله تانیتماغا و تاریخی حقیقتلری تحریف ائتمهیه چالیشیر.
سایین میکاییل بی اویتا بیر سیرا دؤولت اورقانلارینا عنوانلادیغی مکتوبدا بئرئژیکلیانین بیاناتینین غرضلی اولدوغو، اونون کیبریسین سویقیریم و ظلمه معروض قالان تورک میللتینه قارشی دوشمن موقعئیی سرگیله دیگی ایفشا ائدیلیب. همچینین مکتوبدا بیلدیریلیر کی، 1974 -جو ایلده تورکیهنین آپاردیغی صلح عملیاتی اؤنجهسی یونانیستانین کیبریسدا آپاردیغی “ائنوزیس” حادثهلرینده یوزلرله تورک اؤلدورولدو. بو سویقیریمدان ساغ قالان تخمینن 60.000 کیبریسلی تورک یوردوندان دیدرگین دوشدو. بو کؤچکون تورکلرین بیر چوخو آوسترالیایا کؤچدو و سیدنئیده مسکونلاشدی. حاضردا آوسترالیادا 120.000 کیبریس تورکونون یاشادیغی تخمین ائدیلیر – باش ناظرین بیاناتی ایسه اونلارین وارلیغینا محل قویمور. بو کیمی آچیقلامالار ان یاخشی حالدا لازیمسیزدیر، ان پیس حالدا نسیللرین تراومالارینی گئری قایتاریر. بیر حکومت باشچیسینین اؤز غرضلرینی یئنی گونئی اوئلز (NSW) وطنداشلارینین منافعلریندن اوستون توتماسی و یئنی گونئی اوئلز (NSW) ایجماسی ایچریسینده آزلیق قروپلارینین عضولرینی قصداً اوزاقلاشدیرماسی دهشتلیدیر…
مکتوبون تام متنینین اینگیلیسجهسی:
