ادتاج اتحادیه دمکراتیک ترک آذربایجان جنوبی
گادتب-نین مطبوعات مرکزینه داخیل اولان معلوماتا گؤره، گونئی آذربایجان دئموکراتیک تورک بیرلیگی (گادتب) بئین الخالق علاقه‌لر دئپارتامئنتی‌نین صدری، آوستالیا-آذربایجان آسوساسیاسی پرئزیدئنتی سایین میکاییل اویتا آوسترالیانین سیدنئی شهرینده 23 آپرئل – تورکییه‌نین میللی سووئرئنلیک و اوشاق بایرامی گونونه حصر ائدیلمیش تدبیره قاتیلیب.
سایین میکاییل بی اویتا گونئی آذربایجان دئموکراتیک تورک بیرلیگی (گادتب) و آوستالیا-آذربایجان آسوساسیاسی طرفین‌دن 23 آپرئل-میللی سووئرئنلیک و اوشاق بایرامی، تورکیه بؤیوک میللت مجلیسی‌نین 23 آپرئل 1920 گونو قورولماسینین شرفینه بوتون تورک دونیاسینی تبریک ائدیب و بو موناسیبتله آوسترالیانین سیدنئی شهرینده بؤیوک مصطفی کمال آتاتورکون هیکلی قارشیسینا گول چلنگی قویوب.
قئید ائدک کی، 23 آپرئل 1920-جی ایلده تورکیه بؤیوک میللت مجلیسی‌نین آچیلیش گونو داها سونرا میللی سووئرئنلیک و اوشاق بایرامی اولا‌راق قئید اولونماغا باشلادی. بو موناسیبتله تورکیه، آذربایجان و بوتون تورک دونیاسینین اوشاقلارینی تبریک ائدیریک.
