پنج‌شنبه , نوامبر 19 2026
azfa
تازه ها

سایین میکاییل اویتا و سارا خانیم آزرسون مصطفی کمال آتاتورکون آنیم گونو تدبیرلرینده-شکیل

گادتب-نین مطبوعات مرکزینه داخیل اولان معلوماتا گؤره، بو گون آوسترالیادا 19 مای- آتاتورکون آنما، گنجلیک و ایدمان بایرامی ایله علاقه‌دار ایکی مختلیف یئرده آنیم تدبیری کئچیریلیب.

کئچیریلن تدبیرلرین بیری سیدنئیده تورک ائوینده تورک یئنی گونئی وئلز ایالتی کونسئیی طرفیندن کئچیریلیب. باشقا تدبیر ایسه کامبئرلند رس ل شعبه سی  کؤپرو کولتور و صنعت مرکزی نئپئان تورک اوکولوندا تشکیل ائدیلیب. هر ایکی تدبیره آوسترالیا-آذربایجان آسوساسیاسی پرئزیدئنتی و گونئی آذربایجان دئموکراتیک تورک بیرلیگی (گادتب) بئین الخالق علاقه‌لر دئپارتامئنتی‌نین صدری سایین میکاییل بی اویتا و گونئی آذربایجان دئموکراتیک تورک بیرلیگی (گادتب) قادین و اینسان حاقلاری دئپارتامئنتی‌نین صدری سایین سارا خانیم آزرسون دا دعوت ائدیلمیش و تدبیره قاتیلمیشلار.

تدبیره دؤولت آداملاری، او جمله‌دن تورکیه‌نین سیدنئی‌دکی باش کونسولو و NSW  دؤولت لیبئرال کولتور دئپارتامئنتی‌نین صدری و باشقا تورک تشکیلات‌لارینین لیدئرلری ایشتیراک ائتمیشلر

تدبیرده آزربایجانین، قوزئی کیبریس تورک جومهوریتی، تورکیه و آوسترالیانین بایراق‌لار دالغالاندی.

هر ایکی تدبیرده آوستالیا-آذربایجان آسوساسیاسی و گونئی آذربایجان دئموکراتیک تورک بیرلیگی (گادتب) طرفین‌دن آتاتورکون عزیز خاطره‌سینه گول چلنگی تقدیم ائدیلدی.

تدبیرلردن بیر نئچه شکلی تقدیم ائدیریک:

دوباره امتحان کنید

تیراختور باز هم از راه استانبول به عمان می‌رود

گادتب: تیراختور تبریز، نماینده آزربایجان جنوبی در لیگ نخبگان آسیا، باید بار دیگر از مسیری …

تجمع اعتراضی متقاضیان مسکن در اعتراض به تأخیر در تحویل واحدها در زنگان

گادتب: جمعی از متقاضیان مسکن ۲۷ آبان‌ماه ۱۴۰۵، با تجمع مقابل اداره‌کل راه و شهرسازی …