ادتاج اتحادیه دمکراتیک ترک آذربایجان جنوبی
گادتب-نین مطبوعات مرکزینه داخیل اولان معلوماتا گؤره، آوسترالییا آذربایجان آسوسیاسییاسینین پرئزیدئنتی، گونئی آذربایجان دئموکراتیک تورک بیرلیینین (گادتب) بئین الخالق علاقهلر دئپارتامئنتینین صدری سایین میکاییل بی اویتا یولونو آزاراق اسیر دوشن آذربایجان عسگرینین ائرمنیستان طرفیندن وحشیجهسینه ایشگنجه ائدیلمهسی و آذربایجانلیلارین ائرمنیلر طرفیندن سویقیریما معروض قالماسینا دایر آوسترالییا خاریجی ایشلر ناظیرلیینه مراجعتینه جاواب وئریلیب.
سایین میکاییل بیین مکتوبونون جاوابیندا یازیلیب: حؤرمتلی اویتا بی
آذربایجان عسگری ایله رفتارلا باغلی ۳۱ مارت ۲۰۲۳-جو ایل تاریخلی ائلئکترون مکتوبلا مراجعتینیزه گؤره تشکور ائدیریک. من خاریجی ایشلر ناظرینین آدیندان جاواب وئریرم.
۲۰۲۳-جو ایلین آپرئلینده ائرمنی مولکی شخصلرین آذربایجان عسگرینه قارشی آچیق-آشکار پیس رفتارینی عکس ائتدیرهن ویدئودان خبرداریق. آوسترالییا حکومتی حربچیلرله پیس رفتارلا باغلی بو خبردن ناراحاتدیر. بئله حادثهلر آراشدیریلمالیدیر. بوندان علاوه، آوسترالییا جئنئوره کونوئنسییالارینین هر هانسی پوزونتوسونو جدی قبول ائدیر. بیز کونوئنسییالاری ایلک دفعه ۱۹۵۰-جی ایلده ایمضالادیغیمیز و هر اوچ علاوه پروتوکولو راتیفیکاسییا ائتدییمیز واختدان اونلارین گوجلو طرفداریییق.
آوسترالییا پوتئنسیال هومانیتار بحرانین قارشیسینی آلماق اوچون رئگیوندا همفیکیر طرفداشلارین داواملی واسطهچیلیک سعیلری واسطهسیله ائرمنیستان و آذربایجان آراسیندا گرگینلیگین صلح یولو ایله حلینی تشویق ائدیر.
همچینین ۱۹۱۸-جی ایلین مارتیندا باش وئرهن «آذربایجانلیلارین سویقیریمی گونو» ایله باغلی معلوماتی گؤندردیینیزه گؤره ده تشکور ائدیریک. بو مدت عرضینده جنوبی قافقازدا باش وئرهن ایضطیرابلار و اینسان تلفاتی ایله باغلی آذربایجاندا درین قایغیلارین اولدوغونو بیلیریک. . بیز بو فیکیرلره حؤرمت ائدیریک، ایجمالاری و خالقلاری بو آغریلی حادثهلرله باغلی بیر-بیری ایله باریشماغا تشویق ائتمهیه داوام ائدیریک.
بو معلوماتین فایدالی اولاجاغینا اینانیرام».
ساین میکاییل بیین مکتوبونا جاوابین اینگیلیسجه تام متنینی تقدیم ائدیریک:
