ادتاج اتحادیه دمکراتیک ترک آذربایجان جنوبی
گادتب-نین مطبوعات مرکزینه داخیل اولان معلوماتا گؤره، آوسترالییا آذربایجان آسوسیاسییاسینین پرئزیدئنتی، گونئی آذربایجان دئموکراتیک تورک بیرلیینین (گادتب) بئین الخالق علاقه‌لر دئپارتامئنتینین صدری سایین میکاییل بی اویتانین ائرمنیستانین آذربایجان سرحدین‌ده ائکولوژی فلاکته سبب اولا بیله‌ن قانون‌سوز مئتاللورگییا زاوودو تیکینتی‌سی ایله باغلی آوسترالییا خاریجی ایشلر ناظری پئننی وونگا مکتوبونا جاواب گلیب.
آوسترالییا خاریجی ایشلر ناظیرلیگین‌دن گلن جاواب مکتوبون‌دا یازیلیب:
حؤرمت‌لی اویتا بی
ائرمنیستان-آذربایجان سرحدی یاخینلیغین‌دا مئتاللورگییا زاوودونون تیکینتی‌سی ایله باغلی ۱۴ ایون ۲۰۲۳-جو ایل تاریخ‌لی مکتوبونوزا گؤره تشکور ائدیریک. من خاریجی ایشلر ناظری، سئناتور پئننی وونگن آدیندان جاواب وئریرم.
آوسترالییا حکومتی آذربایجان-آوسترالییا ایجماسینین بو مسئله نین آذربایجانا و قونشولارینا مومکون منفی ائکولوژی تأثیرلری ایله باغلی ناراحات‌لیغینی قئید ائدیر. مؤوجود داغ-معد‌ن موسیسه‌لرینین اطراف موحیطی چیرکله‌ن‌دیرمه ایله باغلی ناراحات‌لیقلارینیزی دا قئید ائدیریک. آوسترالییا حکومتی ایقلیم دییشیک‌لیگی، بیوموختلیفلیگین ایتیریلمه‌سی و چیرکله‌نمه کیمی قلوبال پروبلئملرین حلینه صادق‌دیر. بیز ترانس سرحد چیرکله‌نمه‌نین اینسان ساغلام‌لیغینا و اطراف موحیطه تأثیرلری ایله باغلی داوام‌لی ناراحات‌لیقلاری خصوصیله قئید ائدیریک. بیز بوتون اؤلکه‌لری داوام‌لی اینکیشاف مقصدلری ایستیقامتین‌ده ایشله‌مه‌یه و میناماتا کونوئنسییاسی و داوام‌لی عضوی چیرکلندیریجیلره دایر ایستوکهولم کونوئنسییاسی کیمی بئین الخالق موقاویله‌لر اوزره عهده‌لیکلرینی یئرینه یئتیرمه‌یه چاغیریریق.
مکتوب‌دا آوسترالییا حکومتینین همین زاوودون تیکینتی‌سی، باش وئر‌ن آتیشمالار و سایر بئله حاللاردان ناراحات اولدوغو قئید ائدیلیب: آوسترالییا هر ایکی اؤلکه ایله علاقه‌لریمیزی یوکسک قیمتلندیریر و بیز ائرمنیستان و آذربایجان لیدئرلرینی ماسا اطرافین‌دا بیر آرایا گتیرمک اوچون بئین الخالق واسطه‌چی‌لیک سعیلرینی دستکله ییریک. بیز هر ایکی اؤلکه‌نی داغ‌لیق قاراباغ رئگیونو ساکینلرینین حقوقلارینی و تهلوکسیزلیگینی تامین ائد‌ن، هم ائرمنیستانین، هم ده آذربایجانین سووئرئنلیگینی و اراضی بوتؤولویونو تانییان راضیلاشما الده ائتمک ایمکانین‌دان ایستیفاده ائتمه‌یه چاغیریریق. بیز آوسترالییاداکی مووافیق ایجمالاری دا صلح پروسئسینین آرخاسین‌دا دورماغا چاغیریریق.»
آوسترالییا خاریجی ایشلر ناظیرلیگینین جاواب مکتوبونون تام متنینی اینگیلیسجه تقدیم ائدیریک:
