ادتاج اتحادیه دمکراتیک ترک آذربایجان جنوبی
گادتب-نین مطبوعات مرکزینه داخیل اولان معلوماتا گؤره، آوسترالییا آذربایجان آسوسیاسییاسینین پرئزیدئنتی، گونئی آذربایجان دئموکراتیک تورک بیرلیینین (گادتب) بئین الخالق علاقه‌لر دئپارتامئنتینین صدری سایین میکاییل بی اویتانین ائرمنیلرین آذربایجان اراضیلرین‌ده باسدیردیغی مینالارین یاراتدیغی تهلوکه ایله باغلی آوسترالییانین خاریجی ایشلر ناظری پئننی وونگا مکتوبلا مراجعتینه جاواب گلیب.
جاواب مکتوبونو آوسترالییانین خاریجی ایشلر ناظرینین شرقی آوروپا بؤلگه‌سی اوزره کاتب کؤمک‌چی‌سی گئوف بووا ایمضاسی ایله گلیب.
آوسترالییا خاریجی ایشلر ناظرلیگی ۲ مای ۲۰۲۳-جو ایل تاریخلی مکتوبا جاواب اولاراق گؤندردیی مکتوبونون بیر حیسه‌سین‌ده یازیلیب:
آوسترالییا حکومتی قاراباغ رئگیونون‌دا اوزون مدت‌دیر داوام ائد‌ن موناقیشه‌دن درین ناراحات‌دیر و اینسان ایتکی‌سینه گؤره کدرلنیر. بیز آوسترالییاداکی آذربایجان ایجمالارینین آنلاشیلان ناراحات‌لیغینی قبول ائدیریک. بیز پوتئنسیال آغیر هومانیتار نتیجه‌لرین قارشی‌سینی آلماق اوچون رئگیون‌دا همفیکیر طرفداشلارین داوام ائد‌ن واسطه‌چی‌لیک سیلری واسطه‌سیله سوله یولو ایله حلی تشویق ائدیریک. بیز آذربایجانین سووئرئنلیینی و اراضی بوتؤولویونو تانییان، ساکینلرینین حقوق و تهلوکسیزلیینی تامین ائد‌ن صلح سازیشینی آلقیشلایاردیق.
جاواب مکتوبون‌دا همچینین یازیلیب:
یوخاری‌دا گؤستریلن پروسئسلرین بیر حیسه‌سی کیمی آوسترالییا بوتون طرفلری مینالانمیش ساحه‌لر حاقین‌دا معلومات پایلاشماغا، اسیرلری موبادیله ائتمه‌یه و ائرمنیستان و آذربایجانین اورتاق سرحدی بویونجا، ائل‌جه ده قاراباغ رئگیونو اطرافین‌دا هر هانسی حربی تخریبات‌دان قاچماغا تشویق ائدیر.
میناتمیزله‌مه اوچون بئین الخالق دسته‌یه گلینجه، آوسترالییا پیادا علیهینه مینالاردان آزاد بیر دونیا مقصدیمیزه چاتماق اوچون هر جور یاردیم و امکداش‌لیغی واجیب حساب ائدیر. پیادالارا قارشی مینا قاداغاسی کونوئن‌سییاسینی ایمضالایان آوسترالییا اوزرینه دوشنی ائتمه‌یه تام صادق‌دیر. آوسترالییا بمت-نین مینالاردان تمیزله‌مه خیدمتی، بمت-نین اینکیشاف پروقرامی و جئنئوره بئین الخالق هومانیتار میناتمیزله‌مه مرکزی کیمی تشکیلاتلار دا داخیل اولماقلا، مونتطم اولاراق مینالارلا موباریزه‌یه تؤحفه وئریر. تقدیر ائتدیینیز کیمی، آوسترالییا میناتمیزله‌مه فعالیتینی رئگیونوموزا یؤنلدیر، لاکین بیز پیادالارا قارشی مینا قاداغاسی کونوئنسییاسی کیمی بئین الخالق سندلری دستکله‌مک اوچون بوتون دونیادا فعالیتلر حیاتا کئچیریریک…
مکتوبون اینگیلیسجه تام متنینی تقدیم ائدیریک:
