پنج‌شنبه , مارس 28 2024
azfa

سایین میکاییل بی اویتانین تاسمانییا پارلامئنتین‌ده اویدورما ائرمنی، آیسور و یونان سویقیریمی مسئله‌سی ایله باغلی اعتراض مکتوبو-شکیل

گادتب-نین مطبوعات مرکزینه داخیل اولان معلوماتا گؤره، آوسترالییا آذربایجان آسوسیاسییاسینین پرئزیدئنتی، گونئی آذربایجان دئموکراتیک تورک بیرلیینین (گادتب) بئین الخالق علاقه‌لر دئپارتامئنتینین صدری سایین میکاییل بی اویتا تاسمانییا پارلامئنتین‌ده تورکییه‌یه قارشی اویدورما ائرمنی سویقیریمی ایله باغلی قرارا اعتراض اولاراق تاسمانییانین باش پروکورور، عدلیه ناظری، ایش یئرینین تهلوکه‌سیزلیگی و ایستئهلاکچی مسئله‌لری اوزره ناظر، اصلاح و رئابیلیتاسییا ناظری، مدنیت ناظری ائ. ن. آرچئره مکتوبلا مراجعت ائدیب.

سایین میکاییل بی یازیر:

بیز، آوسترالییا آذربایجان‌لیلاری آسوسیاسییاسی اولاراق، ۱۱ مای ۲۰۲۳-جو ایل تاریخین‌ده تاسمانییا پارلامئنتی طرفین‌دن قبول ائدیلمیش و عمومیتله «ائرمنیلرین، آیسورلارین و یونانلارین سویقیریمی» آدلان‌دیریلان سون تکلیفله باغلی درین ناراحاتلیغیمیزی بیلدیرمک ایستردیک. بیز باشا دوشوروک کی، بو قطعنامه بیرینجی دونیا محاربه‌سی زامانی و اوندان سونرا باش وئرمیش تاریخی حادثه‌لره عاییددیر.

بیز تاریخی حادثه‌لره توخونماغین و دیالوقون تشویق ائدیلمه‌سینین واجیبلیینی اعتراف ائتسک ده، بو خصوصی قطعنامه‌نین تاریخی شرایطی و بو فاجعه‌لی حادثه‌لرین سویقیریم آکتلاری کیمی تصنیفلشدیریلمه‌سی کامپانییاسینی احاطه ائد‌ن سیاسی اؤلچولری نظره آلماماسی سببین‌دن مأیوس ائدیجی حساب ائدیریک. بو حادثه‌لره سبب اولان شرطلرین مورکب اولدوغونو و او دؤورده قلوبال دینامیکانین تأثیرینه معروض قالدیغینی قبول ائتمک چوخ واجیب‌دیر.

هر هانسی بیر قلوبال موناقیشه‌ده اولدوغو کیمی، حتی معاصر دؤورده بئله، بو کیمی حادثه‌لر بوتون طرفلر طرفین‌دن تؤردیلیر. اعتراف ائتمک لازیم‌دیر کی، تورک خالقی بو حادثه‌لر زامانی چوخ اذیت چکمیش‌دیر. بونونلا بئله، وورغولاماق ایستردیک کی، تورکییه حکومتینین بوتؤو بیر ائتنیک آزلیغی محو ائتمک اوچون کووردیناسییالی کامپانییا تشکیل ائتمه‌سی فیکرینی دستکله‌یه‌جک هئچ بیر اعتبارلی ثبوت یوخ‌دور.

بیز قطعی شکیل‌ده اینانیریق کی، بو حادثه‌لری سویقیریم کیمی یئنی‌دن تصنیف ائتمک اوچون ائدیله‌ن سون جهدلر ایلک نؤوبه‌ده سیاسی لوببیلر و آزلیقلارین ماراقلاری طرفین‌دن ایداره اولونور. بو جور حرکتلر نه اینکی تام تاریخی حقیقتی عکس ائتدیرمیر، هم ده اؤلکه‌لریمیز آراسین‌دا ایکی طرف‌لی موناسیبتلره خلل گتیرمک ریسکی داشیییر. بیز حساب ائدیریک کی، بو حرکات هرطرف‌لی تاریخی کونتئکستی نظره آلمادان سیاسی گون‌ده‌ملر و آزلیقلارین ماراقلاری ایله باغلی‌دیر. اونون نتیجه‌لری آوسترالییانین تورکییه ایله موناسیبتلرینه آنجاق ضرر وئره بیلر.

تورکییه‌نین بو حادثه‌لری آراشدیرماق اوچون ائرمنیستانلا بیرگه تاریخ کومیسییاسی یاراتماق تکلیفینه ده دقتی جلب ائتمک ایستردیک کی، بو تکلیف تأسف کی، قبول اولونمادی. بوتون بونلار، تاسمانییادا قبول ائدیله‌ن قطعنامه‌لر کیمی کامپانییانین آرخاسین‌دا یاتان سیاسی موتیولره خیدمت ائدیر. بیز بوتون حکومتلری بو جور مقصدلر اوچون ایستیثمارا قارشی مقاومت گؤسترمه‌یه چاغیریریق.

آوسترالییا وطنداشلاری اولاراق، بیز آنلاشمانین گوجلندیریلمه‌سینه، دیالوقون تشویقینه و تاریخی حقیقتلرین هرطرف‌لی آراشدیریلماسینا اینانیریق. اومید ائدیریک کی، بو حساس مسئله اطرافین‌دا گله‌جک موذاکیره‌لرده تاریخین مورکب‌لیکلری و مؤحکم ایکی طرف‌لی موناسیبتلرین قورونوب ساخلانماسینین واجیب‌لیگی نظره آلیناجاق‌دیر.

دقتینیزه گؤره تشکور ائدیره‌م. بیز، داها معلومات‌لی و قارشی‌لیق‌لی فایدالی گله‌جه‌یه دوغرو بیرگه ایشله‌مه‌یه صادق قالیریق.

مکتوبون اینگیلیسجه تام متنینی تقدیم ائدیریک:

دوباره امتحان کنید

پاشینیان: ارمنستان «دولت در تبعید قاراباغ» را به رسمیت نمی‌شناسد

گادتب: نیکول پاشینیان، نخست‌وزیر ارمنستان، در جلسه کابینه دولت این کشور در واکنش به اظهارات …

تداوم بازداشت و بی‌خبری از وضعیت وحید اصغری، نوجوان هفده‌ساله تبریزی

گادتب: به گزارش مرکز گادتب، وحید اصغری، دانش‌آموز هفده‌ساله ساکن شهر سهند تبریز، علیرغم گذشت …